PARİJON İNYEKSİYA

PARİJON inyeksiya üçün məhlul hazırlamaq üçün liofilizəolunmuş toz
PARİJON

Beynəlxalq patentləşdirilməmiş adı: RABEPRAZOLE

Tərkibi
Təsiredici maddə: 1 flakonda 20 mq rabeprazol natrium vardır.
Köməkçi maddələr: mövcud deyil

Təsviri
Ağ və ya demək olar ki, ağ liofilizəolunmuş tozdur.

Farmakoterapevtik qrupu
Xoraəleyhinə vasitə, H+-K+-ATF-azanın (proton nasosunun) inhibitoru.

ATC kodu:A02BC04.

Farmakoloji xüsusuiyyətləri
Farmakodinamikası
Rabeprazol antixolinergik və ya H2 histamin reseptorlarının antaqonist xüsusiyyətlərini nümayiş etdirməyən, lakin mədənin parietal hüceyrələrinin sekretor səthində olan mədə H+/K+ATP-azanı inhibə edərək mədə turşusunun ifrazını tormozlayan antisekretor birləşmələr sinfinə (əvəz edilmiş benzimidazol proton pompası inhibitorları) aiddir. Bu ferment parietal hüceyrədə turşu (proton) nasosu hesab edildiyi üçün rabeprazol mədənin proton pompasının inhibitoru kimi xarakterizə edilmişdir. Rabeprazol mədə turşusu ifrazının son mərhələsini bloklayır. Rabeprazol mədə şirəsinin ifrazının son mərhələsini blokada edir. Mədənin parietal hüceyrələrində rabeprazol protonlanır, toplanır və aktiv sulfenamidə çevrilir. In vitro tədqiqatda rabeprazol 78 saniyə yarımxaricolma dövrü ilə pH 1.2-də kimyəvi cəhətdən aktivləşdirilir. O, 90 saniyə yarımxaricolma dövrü ilə donuzların mədə vezikulalarında turşu daşınmasını inhibə edir. Antisekretor aktivlik. Antisekretor təsir 20 mq rabeprazolun oral qəbulundan sonra bir saat ərzində başlayır. Rabeprazolun 24 saatlıq mədə turşuluğuna orta inhibəedici təsiri ilk dozadan sonra maksimumun 88%-ni təşkil edir. 20 mq dozada rabeprazol, bazal və qida ilə əlaqəli pepton turşusu ifrazını plasebo ilə müqayisədə müvafiq olaraq 86% və 95% inhibə edir və mədə pH-nin >3 olduğu 24 saatlıq dövrün faizini 10%-dən 65%-ə qədər artırır. Bu nisbətən davamlı farmakodinamik təsir qısa farmakokinetik yarımxaricolma dövrü (1-2 saat) ilə müqayisədə H+/K+-ATFazın davamlı inaktivasiyasını əks etdirir. Qastroezofagial reflüks xəstəliyi (GERD) olan və qida borusu mədə turşuluğunun orta və ya ağır dərəcədə təsirinə məruz qalan pasiyentlərdə rabeprazolun gündə 20 mq və 40 mq dozalarda qəbulu mədə turşunun qida qorusuna göstərdiyi 24 saatlıq təsirini azaltmışdır. Yeddi günlük müalicədən sonra, qida borusunun pH səviyyəsinin 24 saatlıq dövrün ən azı 35% təşkil etdiyi müddət; bu səviyyə 20 mq rabeprazol qəbul edən pasiyentlərin 90%-də və 40 mq rabeprazol qəbul edən xəstələrin 100%-də əldə edilmişdir. Rabeprazolun 20 mq və 40 mq dozada gündəlik qəbulu zamanı mədə və qida borusunun pH-na əhəmiyyətli təsiri bir gündən sonra qeydə alınmış və yeddi günlük müalicədən sonra daha da artmışdır. Qan zərdabında qastrinə təsiri. Xoralı və ya eroziv ezofagitin müalicəsi üçün 8 həftəyə qədər gündəlik dozada rabeprazol qəbul edən və residivlərin qarşısını almaq üçün 52 həftəyə qədər müalicə alan pasiyentlərdə qastrinin acqarına səviyyəsi dozadan asılı olaraq artmışdır. Orta qrup dəyərləri normada qalmışdır. 4 həftə ərzində gündəlik 20 mq dozada rabeprazol qəbul edən pasiyentlər qrupunda qan zərdabında qastrinin orta konsentrasiyası iki dəfə artmışdır. Müalicə olunan pasiyentlərin təqribən 35%-də qan zərdabında gastrinin konsentrasiyası normanın yuxarı həddindən yüksək olmuşdur. Yaponiyada CYP2C19 genotipi olan subyektlər üzərində aparılan tədqiqatda intensiv metabolizatorlarla müqayisədə zəif metabolizatorların qan zərdabında qastrinın konsentrasiyası statistik baxımdan əhəmiyyətli olan daha yüksək səviyyələrə qədər artmışdır. Enteroxromafinəbənzər (ECL) hüceyrələrə təsiri. Antisekretor maddələrin təsirindən qan zərdabında qastrinin ikincili artması mədənin ECL hüceyrələrinin çoxalmasını stimullaşdırır ki, bu da zamanla siçovullarda və siçanlarda ECL hüceyrələrinin hiperplaziyasına və siçovulların, xüsusilə dişi siçovulların mədəsində karsinoidlərin əmələ gəlməsinə səbəb ola bilər. Bir il ərzində rabeprazol (10 və ya 20 mq/gün) ilə müalicə olunan 400-dən çox pasiyentdə ECL hüceyrə hiperplaziyası hallarının rastgəlmə tezliyi proton pompası inhibitorunun farmakoloji təsiri ilə bağlı vaxt və doza artımına uyğun olaraq yüksəlmişdir. Xəstələrin heç birində mədə selikli qişasının ECL hüceyrələrində adenomatoid, displastik və ya neoplastik dəyişikliklər aşkar olunmamışdır. Pasiyentlərin heç birində siçovullarda müşahidə olunan karsinoid şişlər inkişaf etməmişdir. Endokrin təsirlər. İnsanlar üzərində bir ilə qədər aparılan tədqiqatlar endokrin sistemə klinik cəhətdən əhəmiyyətli təsirləri aşkar etməmişdir. 13 gün ərzində rabeprazol qəbul edən sağlam kişi könüllülərdə tədqiq edilmiş aşağıdakı endokrin parametrlərdə klinik əhəmiyyətli dəyişikliklər aşkar edilməmişdir: 17 β-estradiol, tiroid stimullaşdırıcı hormon, triiodotironin, tiroksin, tiroksin bağlayan zülal, paratiroid hormonu, insulin, qlükaqon, renin, aldosteron, follikul stimullaşdırıcı hormon, luteotrop hormon, prolaktin, samatotrop hormonu, dehidroepiandrosteron, kortizol bağlayan qlobulin, həmçinin, sidikdə 6β-hidroksikortizol, zərdab testosteronu və kortizol sirkadiyalı profil. Digər təsirləri. Bir il ərzində rabeprazol ilə müalicə olunan şəxslərdə mərkəzi sinir sisteminə, limfoid, hematopoetik, böyrək, qaraciyər, ürək-damar və ya tənəffüs sistemlərinə heç bir sistem təsiri müşahidə edilməmişdir. Rabeprazol ilə uzunmüddətli müalicə və onun gözlərə təsiri barədə məlumat yoxdur.

Farmakokinetikası
20 mq rabeprazolun oral qəbulundan sonra rabeprazolun pik plazma konsentrasiyası (Cmax) 2 saatdan 5 saata qədər (Tmax) çatır. Rabeprazolun Cmax və AUC 10 mq-dan 40 mq-a qədər oral dozalar diapazonunda xəttidir. Hər 24 saatda bir 10-dan 40 mq-a qədər olan dozaların tətbiqi zamanı kumulyasıya olmur; rabeprazolun farmakokinetikası çoxsaylı qəbulu ilə dəyişmir. Plazmadan yarımxaricolma dövrü 1-2 saatdır. Absorbsiyası və paylanması: Rabeprazol vena daxili yeridildikdə mütləq bioyaralığı 100% təşkil edir. Rabeprazolun insan plazma zülalları ilə birləşməsi 96,3%-dir. Metabolizm Rabeprazol geniş şəkildə metabolizə olunur. Tioefir və sulfon insanın qan plazmasında ölçülə bilən əsas metabolitlərdir. Bu metabolitlərin əhəmiyyətli antisekretor fəaliyyəti yoxdur. In vitro tədqiqatlar göstərdi ki, rabeprazol qaraciyərdə ilk növbədə P450 3A (CYP3A) sitoxromları ilə sulfon metabolitinə və P450 2C19 (CYP2C19) sitoxromları ilə desmetilrabeprazola çevrilir. Tioeter metaboliti qeyri fermentativ yolla, rabeprazolun azaldılması nəticəsində əmələ gəlir. Bəzi alt populyasiyalarda (məsələn, Qafqazlıların 3-5%-i və Asiyalıların 17-20%-i) CYP2C19 çatışmazlığı səbəbindən məlum genetik polimorfizmi nümayiş etdirir. Bu subpopulyasiyalarda rabeprazolun metabolizmi ləng gedir, ona görə də onlara dərmanın zəif metabolizatorları deyilir. Eliminasiyası: 14 C etiketli rabeprazolun 20 mq birdəfəlik peroral qəbulundan sonra preparatın 90%-i sidiklə, ilk növbədə tioeter karboksilik turşusu kimi; onun qlükuronidi və merkapturik turşu metabolitləri şəklində. Qalan doza nəcisdə tapılmışdır. Radioaktivliyin ümumi bərpası 99,8% təşkil etmişdir. Sidikdə və ya nəcisdə dəyişməmiş rabeprazol aşkar edilməmişdir. Əhalinin xüsusi yaşlı qrupları:

20 sağlam yaşlı subyektdə rabeprazolun gündə bir dəfə 20 mq oral qəbulundan sonra yeddi gün ərzində AUC dəyərləri təxminən iki dəfə və C max paralel gənc nəzarət qrupundakı dəyərlərlə müqayisədə 60% artmışdır. 20 sağlam yaşlı insanda, yeddi gün ərzində gündə bir dəfə 20 mq dozada rabeprazolun oral qəbulundan sonra AUC dəyərləri təxminən iki dəfə artdı və C max isə paralel daha gənc nəzarət qrupundakı dəyərlərlə müqayisədə 60% artmışdır. Gündə bir dəfə qəbul edildikdən sonra dərmanın kumulyasiyası haqqında heç bir sübut mövcud deyil. Uşaqlar: 18 yaşdan kiçik uşaqlarda rabeprazolun farmakokinetikası öyrənilməmişdir. Cins və irq: Çəki və boy baxımından təhlil edildikdə, rabeprazolun farmakokinetikası kişi və qadın subyektlər arasında klinik cəhətdən əhəmiyyətli fərqlər göstərməmişdir. Rabeprazolun müxtəlif dərman formalarından istifadə edilən tədqiqatlarda, sağlam yapon kişilərində AUC 0-∞ dəyərləri ABŞ-da sağlam kişilərin birləşdirilmiş məlumatlarından əldə edilən dəyərlərdən təxminən 50-60% yüksək idi. Böyrək çatışmazlığı: davamlı hemodializ tələb edən stabil son mərhələdə böyrək çatışmazlığı olan 10 xəstədə (kreatinin klirensi 2) 10 sağlam könüllü ilə müqayisədə bir dəfə 20 mq oral qəbuldan sonra rabeprazolun farmakokinetikasında klinik cəhətdən əhəmiyyətli fərqlər müşahidə edilməmişdir. Qaraciyər çatışmazlığı: 20 mq dozada rabeprazol yeridilmiş yüngül və ya orta ağırlıqda xroniki kompensasiya edilmiş qaraciyər sirozu olan 10 pasiyentdə sağlam kişilərlə müqayisədə AUC 0-24 təxminən iki dəfə artmış, yarımxaricolma dövrü 2 saatdan 3 saata qədər olmuşdur, ümumi bədən klirensi isə yarıdan çox azalmışdır. Çox dozalı bir araşdırmada 8 gün ərzində gündə bir dəfə 20 mq rabeprazol qəbul edən yüngül və orta dərəcəli qaraciyər çatışmazlığı olan 12 pasiyentdə eyni yaşda və eyni cinsdən olan sağlam könüllülərlə müqayisədə AUC 0-∞ və Cmax təxminən 20% artmışdır.
Bu artımlar statistik baxımdan əhəmiyyətli deyildi. Ağır qaraciyər çatışmazlığı olan xəstələrdə rabeprazolun istifadəsi barədə məlumat yoxdur.

İstifadəsinə göstərişlər
Rabeprazolun peroral qəbulu göstəriş olmayan pasiyentlər üçün alternativdir. Rabeprazol aşağıdakı problemlərin müalicəsi zamanı göstərişdir:
Peroral rabeprazol ilə müalicə (yüksəldici müalicə), məsələn, əvvəlcə peroral rabeprazol qəbul etmiş pasiyent hər hansı səbəbdən müvəqqəti olaraq peroral preparatları qəbul edə bilmədikdə.
Onikibarmaq bağırsağın qanaxma ilə və ya güclü eroziyalarla aktiv xorası.
Mədənin qanaxma ilə və ya güclü eroziyalarla aktiv xorası.
Eroziv və ya xoralı qastroezofageal reflüks xəstəliyinin (QERX) qısamüddətli müalicəsi.
Turşu aspirasiyasının profilaktikası.
İntensiv müalicə zamanı selikli qişanın stresslə bağlı zədələnməsi.
Zollinger-Ellison sindromu daxil olmaqla, patoloji hipersekretor vəziyyətlər.

Əks göstərişlər
Rabeprazola, benzimidazol törəmələrinə və preparatın tərkibində olan komponentlərdən hər hansı birinə qarşı yüksək həssaslıq.

Xüsusi göstərişlər və ehtiyat tədbirləri
Mədədə bədxassəli törəmənin olması
Rabeprazolla müalicəyə simptomatik cavab mədədə bədxassəli şişlərin olmasını istisna etmir.
QERX-dən (qastro-ezofageal reflüks xəstəliyi) sağalmış pasiyentlər rabeprazolla 40 aya qədər müalicə almış və çoxsaylı mədə biopsiyasının köməyi ilə yoxlanılmışdır. H.pylori infeksiyası olmayan pasiyentlər (326 pasiyentdən 221-i) mədənin selikli qişasında klinik əhəmiyyətli patoloji dəyişikliklərə malik olmamışdır. Tədqiqatın əvvəlində H.pylori infeksiyası olan pasiyentlərin (326 pasiyentdən 105-i) mədə cismində yüngül və ya orta dərəcəli iltihab və ya mədənin antral hissəsində yüngül iltihab olmuşdur. Tədqiqatın başlanğıcında yüngül dərəcəli infeksiyası və ya mədə cismində yüngül iltihabı olan pasiyentlər orta dərəcəli dəyişikliyə meylli olmuşdur, halbuki orta dərəcəli ağır infeksiyası və mədə cismində orta dərəcəli iltihabı olan pasiyentlər stabil qalmışdır. Yüngül dərəcəli infeksiyası və ya mədə cismində yüngül iltihabı olan pasiyentlər stabil qalmağa meylli olmuşlar. Tədqiqatın başlanğıcında pasiyentlərin 8%-də mədə cismində, 15%-də isə mədənin antral hissəsində vəzilərin atrofiyası olmuşdur. Son nəticədə pasiyentlərin 15%-də mədə cismində, 11%-də isə mədənin antral hissəsində vəzilərin atrofiyası müşahidə edilmişdir. Pasiyentlərin təqribən 4%-də müşahidə dövründə hər hansı anda bağırsağın metaplazıyasımüşahidə edilmişdir, lakin davamlı dəyişikliklər müşahidə edilməmişdir.
Varfarinlə birlikdə istifadə
Rabeprazolla varfarinin statistik qarşılıqlı təsiri pasiyentlərdə adekvat qiymətləndirilməmişdir. Eyni zamanda PNİ (proton nasosunun inhibitorları) ilə varfarin istifistifadə üçün göstəriş olan adə edən pasiyentlərdə BNN-in (Beynəlxalq normallaşdırılmış nisbət) və protrombin vaxtının artması barədə məlumat verilmişdir. BNN-in və protrombin vaxtının artması qeyri normal qanaxmaya və hətta ölümə gətirib çıxara bilər. PNİ ilə müalicə alan pasiyentlərə BNN-in və protrombin vaxtının artmasına görə nəzarət edilməsi lazım gələ bilər.
Clostridium Difficile ilə bağlı diareya
Nəşr edilmiş müşahidəedici tədqiqatlar göstərir ki, rabeprazol kimi PNİ ilə müalicə Clostridium Difficile ilə bağlı diareyanın (CDAD) başvermə riskinin yüksəlməsinə səbəb ola bilər, xüsusilə, xəstəxanaya yerləşdirilmiş pasiyentlərdə. Yaxşılaşmayan diareya zamanı bu diaqnoz nəzərə alınmalıdır.
Pasiyentlər ən aşağı dozadan istifadə etməli və müalicə olduqları vəziyyət uyğun olaraq PNİ ilə ən qısamüddətli müalicə almalıdırlar.
Demək olar ki, bütün antibakterial preparatların istifadəsi zamanı CDAD barədə məlumat verilir. Natrium rabeprazolla kombinasiyada istifadə üçün göstəriş olan antibakterial preparatlara (klaritromisin və amoksisillin) dair əlavə məlumatlar üçün bu içlik vərəqədə “Xüsusi göstərişlər və ehtiyat tədbirləri” bölməsinə bax.
Sümüklərin sınması
Böyüklər üzərində aparılan bir neçə nəşr edilmiş müşahidəedici tədqiqatların nəticələrinə əsasən güman edilir ki, PNİ ilə müalicə bud, bilək və ya onurğa sümüklərinin osteoparoz sınıqlarının inkişaf riskinin yüksəlməsi ilə bağlı ola bilər. Gündəlik çoxsaylı doza kimi müəyyən edilmiş yüksək dozalar alan və PNİ ilə uzun müddət müalicə olunan (bir il və daha çox) pasiyentlərdə sümüklərin sınma riski yüksək olmuşdur. Pasiyentlər ən aşağı dozadan istifadə etməli və müalicə olunduqları vəziyyətə uyğun olaraq PNİ ilə ən qısamüddətli müalicə almalıdırlar.
Osteoporozla bağlı sınıq riski olan pasiyentlər müalicənin müəyyən edilmiş qaydalarına əsasən müalicə olunmalıdırlar.
Hipomaqneziemiya
Simptomatik və asimptomatik hipomaqneziemiya, pasiyentlərdə ümumilikdə ən azı 3 ay ərzində PNİ ilə müalicə almış, əksər hallarda bir illik müalicədən sonra nadir hallarda qeyd edilmişdir. Ciddi əlavə təsirlərə tetaniya, aritmiyalar və qıcolmalar daxildir. Əksər pasiyentlərdə hipomaqneziemiyanın müalicəsi üçün maqneziumla əvəzedici müalicə və PNİ ilə müalicənin dayandırılması tələb olunur.
PNİ ilə uzunmüddətli müalicə gözlənilən pasiyentlərə və ya PNİ ilə birlikdə diqoksin kimi dərman preparatları və ya hipomaqneziemiya törədə bilən digər dərmanlar (məsələn, diuretiklər) istifadə edən pasiyentlərdə həkim PNİ ilə müalicə başlanana qədər və müalicə dövründə vaxtaşırı olaraq maqneziumun səviyyəsinin monitorinqinin aparılması imkanını nəzərdən keçirməlidir.
Rabeprazol natriumun metotreksatla birlikdə istifadəsi
Ədəbiyyat məlumatlarına görə güman edilir ki, PNİ ilə metotreksatın birlikdə istifadəsi (əsasən yüksək dozalarda; bax: metotreksatın təyin edilməsi barədə məlumat) zamanı metotreksatın və/və ya onun metabolitinin zərdab konsentrasiyası yüksələ və ya davametmə müddəti uzana bilər ki, bu da metotreksatın toksik təsir göstərməsinə səbəb ola bilər. Bəzi pasiyentlərdə metotreksatın yüksək dozalarda istifadəsi zamanı PNİ ilə müalicənin müvəqqəti olaraq dayandırılması nəzərdən keçirilə bilər.

Digər dərman vasitələri ilə qarşılıqlı təsiri
Rabeprazol dərmanları metabolizə edən CYP450 ferment sistemi vasitəsilə metabolizə olunur. Sağlam subyektlər üzərində aparılan tədqiqatlar göstərir ki, rabeprazol birdəfəlik peroral dozada istifadə edilən varfarin və teofillin kimi, tək dozada venadaxili istifadə olunan diazepam, birdəfəlik venadaxili istifadə olunan fenitoin (əlavə olaraq peroral dozalanma ilə) kimi, CYP450 ferment sistemi vasitəsilə metabolizə olunan digər dərman vasitələri ilə klinik əhəmiyyətli qarşılıqlı təsirə malik deyildir. Pasiyentlərdə rabeprazolun bu ferment sistemi vasitəsilə metabolizə olunan digər preparatlarla statistik qarşılıqlı təsiri tədqiq olunmamışdır.
Varfarin
Eyni zamanda rabeprazol daxil olmaqla, PNİ və varfarin istifadə edən pasiyentlərdə BNN-in və protrombin vaxtının artması barədə məlumat verilmişdir. BNN-in və protrombin vaxtının artması qeyri normal qanaxma və hətta ölümə səbəb ola bilər.
Siklosporin
İnsan qaraciyəri mikrosomlarından istifadə etməklə In vitro inkubasiya göstərdi ki, rabeprazol siklosporinin metabolizmini 62 mikromol IC50 ilə inhibə edir (rabeprazolun 20 mq dozada 14 gün müddətində istifadəsindən sonra sağlam könüllülərdə Cmax-dan 50 dəfə yüksək konsentrasiya). Bu inhibə dərəcəsi omeprazolun ekvivalent konsentrasiyalarının inhibəetmə dərəcəsi ilə oxşardır.
Absorbsiyası mədənin Ph-dan asılı olan birləşmələr
Rabeprazol mədə turşusunun sekresiyasını uzun müddət inhibə edir. Absorbsiyası mədənin Ph-dan asılı olan birləşmələrlə qarşılıqlı təsir mədə turşusunun rabeprazolla müşahidə olunan tormozlanmasının kəmiyyətinə görə baş verə bilər. Məsələn, normal subyektlərdə gündə 20 mq rabeprazolla birlikdə istifadə ketokonazolun biomənimsənilməsinin təqribən 30% azalmasına və diqoksinin AUC və Cmax-un müvafiq olaraq 19% və 29% yüksəlməsinə səbəb olmuşdur. Ona görə də belə preparatların rabeprazolla birlikdə istifadəsi zamanı pasiyentləri müşahidə etmək tələb oluna bilər. Rabeprazol və antasidlərin birlikdə istifadəsi plazmada rabeprazolun konsentrasiyasının klinik əhəmiyyətli dəyişməsinə səbəb olmamışdır.
Atazanavir və PNİ-nin birlikdə istifadəsi tövsiyə olunmur. Atazanavirin PNİ ilə birlikdə istifadəsi zamanı azatzanavirin plazma konsentrasiyasının əhəmiyyətli dərəcədə azalması və onun müalicəvi təsirinin aşağı düşməsi gözlənilir.
CYP19 vasitəsilə metabolizə olunan dərmanlar
Yaponiyada aparılan klinik tədqiqatda rabeprazol CYP19 genotipinə görə təsnif edilmiş böyük pasiyentlərdə (hər genotip kateqoriyasına n=6) qiymətləndirilmişdir, mədə turşusunun sekressiyasının tormozlanması ekstensiv metabolizatorlarla müqayisədə zəif metabolizatorlarda daha yüksək olmuşdur. Bu zəif metabolizatorlarda rabeprazolun səviyyəsinin daha yüksək olması ilə bağlı ola bilər. Rbeprazol natriumun CYP19 vasitəsilə metabolizə olunan digər dərman vasitələri ilə qarşılıqlı təsirinin intensiv və zəif metabolizatorlar arasında fərqlənib-fərqlənməməsi tədqiq edilməmişdir.
Klaritromisin ilə kombinəolunmuş istifadə
Rabeprazol, amoksisillin və klaritromisinin kombinəolunmuş istifadəsi plazmada rabeprazolun və 14-hidroksiklaritromisinin konsentrasiyasının yüksəlməsinə gətirib çıxarmışdır. Klaritromisinin digər dərmanlarla birlikdə istifadəsi dərman qarşılıqlı təsiri nəticəsində ciddi əlavə təsirlərin meydana çıxmasına səbəb ola bilər. Bu qarşılıqlı təsirlərə görə , klaritromisinin bəzi dərman vasitələri ilə birlikdə istifadəsi əks göstərişdir.
Metotreksat
Nəşr edilmiş məşhur farmakokinetik tədqiqatlar barədə hesabatlar və retrospektiv analiz göstərir ki, PNİ ilə metotreksatın birlikdə istifadəsi (əsasən yüksək dozalarda; bax: metotreksatın təyin edilməsi barədə məlumat) zamanı metotreksatın və/və ya onun metaboliti hidroksimetotreksatın zərdab konsentrasiyası yüksələ bilər. Lakin, PNİ ilə metotreksatın qarşılıqlı təsirinə dair heç bir tədqiqat aparılmamışdır.
Klopidoqrel
Sağlam insanlarda rabeprazol və klopidoqrelin birlikdə istifadəsi klopidoqrelin aktiv metabolitinin ekspozisiyasına klinik əhəmiyyətli təsir göstərməmişdir. Rabeprazol natriumun üstünlük verilən dozası ilə birlikdə istifadə zamanı klopidoqrelin dozasına düzəliş edilməsi tələb olunmur.

Hamiləlik və laktasiya dövründə istifadəsi
Hamiləlik dövrü
Hamilə qadınlar üzərində heç bir adekvat və nəzarət olunan tədqiqat aparılmamışdır. Heyvanlar üzərində aparılan reproduktiv tədqiqatlar heç də həmişə insanın reaksiyası barədə fikir yürütməyə imkan vermədiyindən, bu preparat hamiləlik dövründə yalnız aşkar zərurət olduğu zamanı istifadə edilməlidir.
Laktasiya dövrü
Bir çox dərmanlar ana südünə nüfuz etdiyindən rabeprazolu südəmər uşağı olan analara təyin edərkən ehtiyatlı olmaq lazımdır.

Pediatriyada istifadəsi
Uşaqlarda rabeprazolun təhlükəsizliyi və effektivliyi təyin edilməmişdir.

Yaşlılarda istifadəsi
Preparatın təhlükəsizliyi və effektivliyi ilə bağlı yaşlılarla cavan pasiyentlər arasında heç bir fərq aşkar edilməmişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Mövcud deyil.

İstifadə qaydası və dozası
Tövsiyə olunan doza: bir flakon gündə 1 dəfə (20 mq rabeprazol) venadaxilinə yeridilir. Venadaxili istifadədən başqa parenteral yeridilmə yolları tövsiyə olunmur.
İnyeksiya: Flakonun möhtəviyyatı 5 ml inyeksiya üçün steril suda həll edilməli və yavaş-yavaş 5-15 dəqiqə müddətində yeridilməlidir.
İnfuziya: Venadaxili infuziya üçün preparatın həll edilərək hazırlanmış məhlulu əlavə olaraq durulaşdırılmalı və qısamüddətli infuziya şəklində 15-30 dəqiqə müddətində yeridilməlidir.
İstifadə qaydası: Yalnız venadaxili istifadə üçün.
Müxtəlif intravenoz mayelərlə və inyeksiya üçün steril su ilə uyğunluğu.
Preparatın yeridilməsi üçün başqa heç bir həlledici və ya infuziya üçün məhlul istifadə edilməməlidir.
Həll edildikdən sonra alınmış hazır məhlul 4 saat ərzində istifadə edilməli, istifadə edilməmiş hissə isə atılmalıdır. Bütün parenteral qarışıqlarda olduğu kimi həll olunmuş və ya əlavə olaraq durulaşdırılmış məhlul rənginin dəyişməsi, çöküntünün, bulanıqlığın və sızmanın olub olmamasına görə yoxlanılmalıdır. İstifadə edilməmiş hissə atılmalıdır. Hazırlanmış məhlulun pH-ı 11,2-12,5 arasında olmalıdır.

Əlavə təsirləri
Dünyada 2900-dən çox pasiyent müxtəlif dozalarda və müalicə müddətində II-III faza klinik sınaqlarda oral rabeprazol ilə müalicə olunmuşdur. Klinik tədqiqatlar müxtəlif şəraitlərdə aparıldığı üçün dərman vasitəsinin klinik sınaqlarında müşahidə edilən əlavə təsirlərin başvermə tezliyi birbaşa digər dərmanın klinik sınaqlarının göstəriciləri ilə müqayisə edilə bilməz və praktikada müşahidə olunan göstəriciləri əks etdirməyə bilər. Rabeprazolu peroral istifadə edən pasiyentlərin ≥2%-də meydana çıxan və plaseboya nisbətən daha yüksək tezlikdə rast gələn əlavə reaksiyaların təhlili zamanı aşağıdakı əlavə reaksiyalar aşkar edildi: ağrı, faringit, meteorizm, infeksiya və qəbizlik. Nəzarət olunan klinik sınaqlarda müşahidə edilən və yuxarıda göstərilən meyarlara uyğun gəlməyən (rabeprazol ilə müalicə edilən pasiyentlərin ≥2%-i və > plasebo) və rabeprazolla səbəb-nəticə əlaqəsinin olduğu ehtimal etdiyi digər əlavə təsirlərə aşağıdakılar aiddir: baş ağrısı, qarın ağrısı, ağızda quruluq, başgicəllənmə, periferik ödem, qaraciyər fermentlərinin səviyyələrinin yüksəlməsi, hepatit, qaraciyər ensefalopatiyası, mialgiya və artralgiya.

Doza həddinin aşılması
Rabeprazolla doza həddinin böyük aşılması halları olmamışdır. Rabeprazol üçün xüsusi antidot məlum deyil. Rabeprazol zülallarla əhəmiyyətli dərəcədə birləşir və asanlıqla dializ olunmur. Doza həddinin aşılması zamanı simptomatik və dəstəkləyici müalicə aparmaq lazımdır.
Buraxılış forması 5 şüşə flakon, içlik vərəqə ilə birlikdə karton qutuya qablaşdırılır.
Saxlanma şəraiti
30°C-dən yüksək olmayan temperaturda, işıqdan qorunan, quru və uşaqların əli çatmayan yerdə saxlamaq lazımdır.

 

Yararlılıq müddəti
24 ay.
Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçı/Qeydiyyat vəsiqəsinin sahibi
Centurion HealthcarePvt.Ltd.

Eksklüziv distribyutor
EL Kompaniya MMC.