ADVERMİS TABLET
ADVERMIS çeynəmə tabletlər
ADVERMIS
Beynəlxalq patentləşdirilməmiş adı: ALBENDAZOLE
Tərkibi
Təsiredici maddə: 1 çeynəmə tabletin tərkibində 400 mq albendazol vardır.
Köməkçi maddələr: Natrium sitrat, 70%-li sorbitol məhlulu, xinolin sarısı, banan aromatizatoru, saxaroza, təmizlənmiş su, natrium metilparaben, natrium propilparaben, bronopol, dinatrium EDTA, ksantan saqqızı, kolloidal silisium dioksid, polisorbat, Mono limon turşusu.
Təsviri
Uzunsov, bir tərəfində bölmə xətti olan, narıncı rəngli çeynəmə tabletlər.
Farmakoterapevtik qrupu
Helmintəleyhinə (qurdqovucu) preparat. Benzimidazol törəmələri.
ATC kodu:Р02СA03.
Farmakoloji xüsusuiyyətləri
Farmakodinamikası
Albendazol - benzimidazol karbamat qrupunun nümayəndəsidir, bağırsaq və toxuma parazitlərinə qarşı helmintəleyhinə və protozoyəleyhinə təsirlər göstərir.
Heyvanlar üzərində aparılan tədqiqatlar göstərmişdir ki, albendazol larvisid, ovasid və vermisid
aktivlik nümayiş etdirir, o tubulinin polimerləşməsinin qarşısını alaraq antihelmint təsir göstərir.
Bu helmintin metabolizminin pozulmasına, enerjinin tükənməsinə səbəb olur və nəticədə albendazol həssas helminti hərəkətsizləşdirir və məhv edir.
Albendazol mono- və poliinvaziyalar (müxtəlif növ nematodlar və bəzi sestodların törətdiyi helmintozlar) zamanı effektivdir. Orqanizmdə yumurtadan yeni çıxmış helmint sürfələrinin inkişafının və çoxalmasının qarşısını alır. Albendazol əzələ toxumasında, bağırsaqda və digər orqanlarda parazitlik edən helmintlərin yetkin formalarına, sürfə və yumurtalarına məhvedici təsir göstərir.
Albendazol aşağıdakı bağırsaq parazitlərinə qarşı aktivliyə malikdir:
- Nematodlar: Ascaris lumbricoides (girdə qurdlar); Trichuris trichuria (çubuqvari qurd); Enterobious vermicularis (sapvari qurdlar); Ancylostoma duodenale (qarmaqşəkilli qurdlar); Necator americanus (qarmaqşəkilli qurdlar); Strongyloides stercoralis.
Qarmaqşəkilli qurdlar dərinin Larva miqrans infeksiyasının yaranmasına səbəb olur.
-Sestodlar: Hymenolepsis nane (lentvari qurd); Taenia solium (donuz lentvari qurdu); Taenia saginata (mal-qara lentvari qurdu);
-Trematodlar: Opisthorchis viverrini və Clonorchis sinensis.
-Protozoa: Giardia liamblia (onikibarmaq bağırsaq və bağırsaq qurdları)
Sistem helmint infeksiyaları: Albendazol Echinococcus granulosus infeksiyasının səbəb olduğu sistik exinokokkoz və Echinococcus multilocularis infeksiyasının səbəb olduğu alveolyar exinokokkoz daxil olmaqla, toxuma parazitlərinin müalicəsində effektiv təsirə malikdir. Albendazol həmçinin, Gnathostoma spingerum infeksiyasının səbəb olduğu gnatostomoz, Capillaria philippinensis infeksiyasının səbəb olduğu kapillyarioz, Taenia solium lavral infeksiyasının səbəb olduğu neyrosistozun müalicəsində effektiv təsir göstərir. Klinik tədqqatlarda albendazolla Echinococcus granulosus sistlərinin müalicəsi xəstələrin 80%-ə qədər hissədində sisti məhv etdiyi və ya ölçüsünün əhəmiyyətli dərəcədə azaldığı müşahidə olunub. Albendazol ilə müalicədən sonra aparılan laborator və heyvanlar üzərində aparılan tədqiqatlar göstərdi ki, sistlərin 90%-i məhv olub, müalicə olunmayan sistlərdə bu göstərici 10% təşkil edmişdir.
Echinococcus multilocularis infeksiyası nəticəsində yaranan sistlərin müalicəsində (albendazol ilə müalicədən sonra) xəstələrin az bir hissəsi müalicə olunub, əksər hissəsində xəstəliyin stabilləşməsinə nail olunmuşdur.
Farmakokinetikası
İnsanlarda, oral qəbuldan sonra albendazol zəif sorulur. Yağlı qida ilə qəbul olunarsa, albendazolun sistem təsiri artmış olur, bu onun absorbsiyasını təxminən beş dəfə artırır. Albendazol qaraciyərdə tamamilə metabolizmə uğrayır. Albendazol sulfoksid toxuma infeksiyaları əleyhinə effektivlikdə böyük paya malik olan ilkin metabolitdir. 6,6 mq/kq dozada albendazol qəbulundan təxminən 2,5 saat sonra onun farmakoloji aktiv metaboliti olan albendazol sulfoksid qan plazmasında maksimal 0,25-0,30 mkq/ml konsentrasiya toplayır. Albendazol sulfoksidin plazmadan yarımxaricolma dövrü (T1/2) 8,5 saat təşkil edir. Albendazol sulfoksid və onun metabolitləri əsasən öd vasitəsilə, çox az hissəsi isə sidiklə xaric olur.
Qaraciyər və böyrək pozğunluqları olan pasiyentlərdə albendazolun farmakokinetikası tətqiq olunmamışdır.
Yaşlılarda tətqiq
65 yaşdan yuxarı pasiyentlərə albendazolun iştifadəsi haqqında məlumatlar kifayət qədər deyil. Hidatik xəstəliyi və ya neyrosistoserkozun müalicəsi məqsədilə albendazol tabletləri qəbul edən yaşlı pasiyentlərin sayı çox azdır, lakin müalicə alan yaşlı şəxslərdə heç bir problem müşahidə olunmayıb.
İstifadəsinə göstərişlər
Albendazol bakterisid, ovasidal və larvisidal aktivliklərə malik antihelmint vasitədir və aşağıdakı bağırsaq və toxuma parazitlərinin müalicəsində effektivdir:
• Bağırsaq infeksiyaları və dərinin Larva miqrans infeksiyası
Aşağı dozada qısamüddətli müalicə.
Albendazol həssas bağırsaq helmintozları/təkhüceyrəlilərin törətdiyi aşağıdakı klinik vəziyyətlərin müalicəsi üçün təyin olunur. (Həssas helmintlər və birhüceyrəlilər barədə daha ətraflı məlumat üçün “Farmakodinamika” bölməsinə baxın).
-Enterobioz, ankilostomiaz və nekatoriaz, himenolepitoz, tenioz, strongiloidoz, askaridoz, trixosefaloz, klonorxoz və opistorxoz (Opisthorchic viverrini və/və ya Clonorchis sinersis infeksiyaları), dərinin Larva miqrans infeksiyası, uşaqlarda lyambliya infeksiyası.
• Sistem helmint infeksiyaları
Daha yüksək dozalarda daha uzun müddətli müalicə.
Albendazol aşağıdakı sistem helmint infeksiyalarının müalicəsi üçün təyin olunur (Həssas helmint növləri ilə bağlı daha ətraflı məlumat üçün “Farmakodinamika” bölməsinə baxın).
• Exinokokkoz
Albendazol qaraciyər, ağciyərlər və peritoneal sistlərin müalicəsində yüksək təsir göstərir. Sümük sistləri, habelə ürək və mərkəzi sinir sistemi ilə bağlı təcrübə məhduddur.
• Exinokokk sistləri (Echinococcus granulosus nəticəsində yaranan)
Albendazol exinokokk kistaları olan pasiyentlərdə istifadə olunur:
- Cərrahi müdaxilənin mümkün olmadığı zaman;
- Cərrahi müdaxilədən əvvəl;
- Əvvəlki müalicənin çox qısa olduğu, cərrahi əməliyyat zamanı yoluxma baş verdikdə və ya diri parazitin aşkar olunduğu zaman;
- Diaqnostik və müalicəvi məqsədlə sistlərin perkutan drenajından sonra.
• Alveolyar exinokokkoz (Echinococcus multilocularis nəticəsində yaranan)
Albendazol alveolyar exinokokkozun olduğu xəstələrdə istifadə olunur:
- Əməliyyat oluna bilinməyən xəstəlik, xüsusilə yerli və ya periferik metastazın olduğu zaman
- Palliativ əməliyyatdan sonra
- Radikal cərrahi əməliyyat və qaraciyər transplantasiyasından sonra.
• Neyrosistiserkoz (Taenia solium infeksiyası)
Albendazol aşağıdakı xəstəliklərin müalicəsində istifadə olunur:
- Beyin parenximasının tək və ya çoxsaylı sistləri və ya qranulomatozu
- Araxnoidal və ya mədəcikdaxili sistlər
- Salxımşəkilli sistlər
• Kapillarioz (Capillaria philippinensis nəticəsində yaranan)
• Gnatostomioz (Gnathostoma spinigerum və digər əlaqəli növlərin nəticəsində yaranan)
• Trixinoz (Trichinella spiralis və T. pseudospiralis nəticəsində yaranan )
• Toksokaroz (Toxocara canis və digər əlaqəli növlərin nəticəsində yaranan)
Əks göstərişlər
Benzimidazol sinifindən olan birləşmələrə, albendazola və ya preparatın tərkibində olan komponentlərdən hər hansı birinə qarşı yüksək həssaslıq, gözün torlu qişasının xəstəlikləri, hamiləlik dövrü və hamiləliyin planlaşdırılması, laktasiya dövrü.
Xüsusi göstərişlər və ehtiyat tədbirləri
Albendazol tabletləri tövsiyə olunan müddətdən daha çox istifadə edildikdə leykopeniya baş verə bilər.
ADVERMIS 400 preparatının erkən hamiləlik dövründə istifadəsindən çəkinmək üçün, reproduktiv yaşda olan qadınlar müalicəni yalnız hamiləlik testinə mənfi cavab aldıqdan sonra və ya menstruasiyanın ilk həftəsində başlamalıdırlar. ADVERMIS 400 preparatının qəbulu müddətində və müalicə dayandırıldıqdan sonra bir ay ərzində effektiv kontrasepsiya üsullarından istifadə etməlidirlər. Növbəti müalicə kursuna başlamamışdan əvvəl azı bir dəfə hamiləlik testi olunmalıdır.
ADVERMIS 400 preparatının birdəfəlik dozasından sonra subklinik neyrosisterkoz baş verə bilər.
Albendazol ilə müalicə əvvəlcədən mövcud olan neyrosistiserkozu aşkar edə bilər, xüsusilə, tenioz infeksiyası ilə yüksək yoluxma olan ərazilərdə.
Parazitlərin baş beyində ölümü nəticəsində iltihabi reaksiya ilə əlaqəli simptomlar (məsələn, qıcolma, kəllədaxili təzyiqin artması kimi nevroloji əlamətlər və fokal simptomlar) müşahidə oluna bilər. Bu zaman dərhal müvafiq steroid və qıcolmaəleyhinə müalicəyə başlamaq lazımdır.
Daha yüksək dozalarda daha uzunmüddətli istifadə zamanı albendazol qaraciyər fermentlərini aşağı və orta dərəcədə artıra bilər. Qaraciyər fermentləri adətən müalicənin dayandırılması ilə normallaşır. Hər müalicə kursuna bazlamazdan əvvəl və müalicə zamanı ən azı 2 həftədən bir qaraciyər funksiyasını testləri aparılmalıdır. Əgər qaraciyər fermentləri əhəmiyyətli dərəcədə artarsa (normal yuxarı həddən iki dəfə yüksək) albendazolun qəbulu dayandırılmalıdır. Qaraciyər fermentləri normal səviyyəyə qayıtdıqdan sonra albendazol ilə müalicə yenidən başlana bilər, lakin bu xəstələrə diqqətlə nəzarət olunmalıdır.
Albendazol sümük iliyi supressiyasına təsir göstərə bilər, bu səbəbdən müalicənin başlanğıcında və 28 günlük müalicə ərzində hər iki həftədən bir qan analizi verilməlidir. Qaraciyər exinokokkozu daxil olmaqla, qaraciyər xəstəliyi olan pasiyentlərdə pansitopeniya, aplastik anemiya, aqranulositoz və leykopeniya ilə nəticələnən sümük iliyinin supressiyası ehtimalı daha yüksəkdir, bu səbəbdən həmin pasiyentlərdə qan hüceyrələrinin sayı yaxından müşahidə olunmalıdır. Əgər qan hüceyrələrində kliniki cəhətdən əhəmiyyətli dərəcədə azalma baş verərsə, albendazol ilə müalicə dayandırılmalıdır.
Qalaktozaya qarşı dözümsüzlük, Lapp laktaza çatışmazlığı, qlükoza-qalaktoza malabsorbsiyası kimi nadir irsi problemləri olan pasiyentlər bu preparatı qəbul etməməlidirlər.
Digər dərman vasitələri ilə qarşılıqlı təsiri
Deksametazon
Neyrosistiserkozlu 8 pasiyentdə albendazolun hər bir dozası (15 mq/kq/gün) ilə 8 mq deksametazonun eyni vaxtda qəbulu albendazol sulfoksidinin minimal konsentrasiyasının təxminən 56% artmasına səbəb olmuşdur.
Praziquantel
Albendazol sulfoksidlə birlikdə qəbul edən sağlam subyektlərdə (n = 10) yalnız albendazol qəbul edən digər bir qrup subyektlərlə (n = 6) müqayisədə praziquantel albendazol sulfoksidin plazmadakı orta maksimal konsentrasiyasını təxminən 50% artırmışdır. Albendazol sulfoksidin Tmax və plazmadan yarımxaricolma dövrü (T1/2) dəyişməmişdir. Albendazol (400 mq) ilə eyni vaxtda istifadə edildikdən sonra praziqvantelin farmakokinetikası dəyişməyib.
Simetidin
Simetidin (10 mq/kq/gün) (n = 7) ilə müalicə olunan hidatikli kistası olan pasiyentlərdə tək albendazol (20 mq/kq/gün) qəbul edən pasiyentlərlə (n = 12) müqayisədə öddə və kista mayesində albendazol sulfoksidin konsentrasiyası (təxminən 2 dəfə) artmışdır. Preparatın qəbulundan 4 saat sonra qan plazmasında albendazol sulfoksidin konsentrasiyası dəyişmədi.
Teofillin
6 sağlam subyektdə teofillinin (5,8 mq/kq dozada 20 dəqiqə ərzində yeridilən aminofilin) farmakokinetikası albendazolun birdəfəlik oral qəbulundan (400 mq) sonra dəyişməmişdir.
Kanserogenlik, mutagenlik, fertilliyin pozulması
Siçanlar və siçovullar üzərində uzunmüddətli kanserogenlik tədqiqatları aparılmışdır.
Bir araşdırmada siçanlara 108 həftə müddətində qida ilə birlikdə 25, 100 və 400 mq/kq/gün dozalarda (mq/m2 bədən səthinin sahəsinə müvafiq olaraq insan üçün tövsiyə olunan dozadan 0,1, 0,5 və 2 dəfə artıq) albendazol verilmişdir. Başqa bir araşdırmada siçovullara 117 həftə müddətində qida ilə birlikdə 3, 5, 7 və 20 mq/kq/gün dozalarda (mq/m2 bədən səthinin sahəsinə müvafiq olaraq insan üçün tövsiyə olunan dozadan 0,04, 0,08 və 0,21 dəfə artıq) albendazol verilmişdir. Nəzarət qrupu ilə müqayisədə tədqiqatlarda iştirak edən siçanlar və siçovullarda şişlərin artmasına dair heç bir sübut olmadı.
Genotoksiklik testlərində metabolik aktivasiya ilə və ya onsuz və ya əvvəlcədən aparılan inkubasiya ilə və ya onsuz keçirilən Ames Salmonella/Mikrosomal analizində və ya hüceyrə vasitəçiliyi ilə Çin Hamster Yumurtalıq hüceyrələrində xromosom aberrasiya testində və in vivo siçan mikronüklear testində albendazol aşkar olunmamışdır. İn vitro BALB/3T3 hüceyrələrinin transformasiyası analizində albendazol metabolik aktivləşmənin mövcudluğunda zəif aktivlik göstərmişdir, metabolik aktivləşmə olmadıqda isə albendazolun heç bir aktivliyi aşkar edilmədi.
Albendazol 30 mq/kq/gün oral dozada (mq/m2 bədən səthinin sahəsinə müvafiq olaraq insan üçün tövsiyə olunan dozadan 0,32 dəfə artıq) erkək və ya dişi siçovulların fertilliyinə mənfi təsir göstərməmişdir.
Hamiləlik planlaşdıran qadınların müalicəsi üçün albendazolun istifadəsi əks göstərişdir.
Hamiləlik və laktasiya dövründə istifadəsi
Hamiləlik dövrü
Teratogen təsirlər
Hamiləlik kateqoriyası C. Albendazolun hamilə siçovullarda və dovşanlarda teratogen (embriotoksik təsir göstərir və skeletin inkişaf qüsurlarına səbəb olur) olduğu göstərilmişdir.
Siçovullarda, 6-15 günlük hamiləlik dövründə albendazolun 10 и 30 mq/kq/gün dozada (mq/m2 bədən səthinin sahəsinə müvafiq olaraq insan üçün tövsiyə olunan dozadan 0,1 və 0,32 dəfə artıq) oral qəbulu teratogen reaksiya ilə nəticələnir. Hamilə dovşanlarda isə teratogen təsir hamiləliyin ilk 7-19 günlərində 30 mq/kq/gün dozada (mq/m2 bədən səthinin sahəsinə müvafiq olaraq insan üçün tövsiyə olunan dozadan 0,60 dəfə artıq) albendazolun oral qəbulu zamanı baş verir. Dovşanlar üzərində aparılan tədqiqatlar ana toksikliyinin (33% ölüm) 30 mq/kq/gün dozada baş verdiyini göstərmişdir. Siçanlarda, hamiləliyin ilk 6-15 günü ərzində albendazolun gündə 30 mq/kq-a qədər dozada (mq/m2 bədən səthinin sahəsinə müvafiq olaraq insan üçün tövsiyə olunan dozadan 0,16 dəfə artıq) oral qəbulu teratogen effekt göstərmir.
Hamilə qadınlarda albendazolun tətbiqi ilə bağlı adekvat və yaxşı nəzarət edilən tədqiqatlar aparılmamışdır.
Albendazol hamiləlik dövründə yalnız ana üçün potensial fayda döl üçün potensial riskdən daha yüksək olduqda istifadə edilməlidir (bax. XƏBƏRDARLIQLAR)
Laktasiya dövrü
Albendazol heyvanların südünə keçir. Onun ana südü ilə xaric olub-olmadığı məlum deyil. Bir çox dərman vasitələri ana südü ilə xaric olduğundan, albendazolun laktasiya dövründə istifadəsi zamanı ehtiyatlı olmaq lazımdır.
Pediatriyada istifadəsi
Albendazol tabletlərini qəbul edən 6 yaşa qədər uşaqlar haqqında kifayət qədər klinik məlumat yoxdur. Hidatik xəstəlik zamanı infeksiya körpələr və azyaşlı uşaqlar arasında nadir hallarda rast gəlinir, lakin müalicə alan uşaqlarda heç bir problem müşahidə olunmamışdır. Neyrosistiserkozda infeksiya daha çox rast gəlinir. 1 yaşdan yuxarı pediatrik pasiyentlərin iştirakı ilə aparılmış 5 dərc olunmuş tədqiqatlarda heç bir əhəmiyyətli problemlərin olmaması və böyüklərdə olduğu kimi effektiv olduğu göstərilmişdir.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
ADVERMIS 400 preparatı ilə müalicə zamanı xəstələrdə başgicəllənmə kimi əlavə reaksiyaların mövcüdluğunu nəzərə alaraq albendazol qəbul edilən müddət ərzində nəqliyyat vasitələrini və digər potensial təhlükəli mexanizmləri idarə edən pasiyentlərə ehtiyatlı olmaq tövsiyə olunur.
İstifadə qaydası və dozası
• Bağırsaq infeksiyaları və dərinin Larva miqrans infeksiyası
Pəhriz və ya bağırsağın təmizlənməsi kimi xüsusi tədbirlərə ehtiyac yoxdur. Əgər pasiyent üç həftədən sonra sağalmazsa, ikinci kurs müalicə təyin olunmalıdır. Bəzi şəxslər, xüsusilə azyaşlılar tableti bütöv şəkildə udmaqdan çətinlik çəkə bilərlər. Bu zaman onlar tableti bir az su ilə çeynəyə bilərlər, həmçinin tabletlər əzilə də bilər.
İnfeksiya |
Yaş |
Adətən istifadə olunan doza |
Müalicə müddəti |
Enterobioz |
Böyüklər və 2 yaşdan yuxarı uşaqlar |
400 mq |
Bir doza |
1-2 yaş arası uşaqlar
|
200 mq |
Bir doza |
|
Şübhəli və təsdiq olunmuş stronqiloidoz |
Böyüklər və 2 yaşdan yuxarı uşaqlar |
400 mq |
3 ardıcıl gün, gündə 1 dəfə |
Klonorkoz |
Böyüklər və 2 yaşdan yuxarı uşaqlar |
400 mq |
3 gün müddətində, gündə 2 dəfə |
Dərinin Lavra Miqrans infeksiyası |
Böyüklər və 2 yaşdan yuxarı uşaqlar |
400 mq |
1 gündən 3 günə qədər, gündə 1 dəfə |
Lyamblioz |
Yalnız 2-12 yaş arası uşaqlar |
400 mq |
5 gün müddətində, gündə 1 dəfə |
Yaşlılarda
65 yaşdan yuxarı pasiyentlərlə bağlı çox az təcrübə var. Məlumatlar göstərir ki, doza nizamlanmasına ehtiyac yoxdur, baxmayaraq ki, albendazol qaraciyər pozğunluğunun olduğu yaşlı xəstələrdə ehtiyatla istifadə olunmalıdır.
Böyrək pozğunluğu olan pasiyentlər
Albendazol və onun ilkin metaboliti olan albendazol sulfoksidinin böyrəklərlə eliminasiyası çox az olduğu üçün bu pasiyentlərdə klirensdə dəyişiklikliyin olması ehtimalı yoxdur. Heç bir doza nizamlanmasına ehtiyac yoxdur, lakin böyrək pozğunluğu olan pasiyentlərə nəzarət olunmalıdır.
Qaraciyər pozğunluğu olan pasiyentlər
Albendazol qaraciyər vasitəsilə aktiv metaboliti olan albendazol sulfoksidə çevrildiyi üçün qaraciyər pozğunluğu olan pasiyentlərdə albendazol sulfoksidin farmakokinetikasına əhəmiyyətli təsirin olacağı gözlənilən haldır. Albendazol ilə müalicəyə başlamazdan əvvəl qaraciyər testlərində (transaminazalar) dəyişikliklər olan pasiyentlərə xüsusi nəzarət olunmalıdır.
• Sistem helmint infeksiyaları
Albendazol yeməklə qəbul olunmalıdır.
6 yaşdan aşağı uşaqlarda albendazolun yüksək dozada istifadəsi ilə bağlı məlumat məhduddur, ona görə də onun 6 yaşdan aşağı uşaqlarda istifadəsi tövsiyə olunmur.
Bəzi şəxslər , xüsusilə kiçik yaşlı uşaqlar tableti bütöv şəkildə udmaqda çətinlik çəkə bilərlər. Bu zaman onlar tableti bir az su ilə çeynəyə və ya əzə bilərlər.
Doza xəstənin bədən kütləsindən, infeksiyanın ağırlığından və parazitin növündən asılıdır.
İnfeksiya |
Pasiyentin bədən çəkisi |
Doza |
Müalicə müddəti |
Sistli exinokokkoz |
> 60 kq
|
800 mq, iki eyni bərabər dozaya bölünməklə verilir (400 mq olmaqla)
|
28 gün müddətində hər gün qəbul olunur.
|
< 60 kq |
15 mq/kq, iki eyni bərabər dozaya bölünməklə verilir, maksimal doza gündə 800 mq |
||
- Əməliyyat oluna bilməyən və çox saylı sistlər |
|
|
Qaraciyər, ağciyər və peritoneal sistlərin müalicəsində üç kurs |
- Əməliyyatdan əvvəl |
|
|
Cərrahi müdaxilədən əvvəl mümkün olduğu təqdirdə iki 28 günlük |
- Əməliyyatdan sonra |
|
|
Dərmanın yalnız əməliyyatdan əvvəl qısa müddətdə (14 gün) qəbul olunması |
Alveolyar exinokokkoz |
> 60 kq |
800 mq, iki eyni bərabər dozaya bölünməklə verilir |
28 gün müddətində hər gün qəbul olunur. |
< 60 kq |
15 mq/kq, iki eyni bərabər dozaya bölünməklə verilir. Maksimal gündəlik doza 800 mq. |
||
Neyrosistiserkoz |
> 60 kq
< 60 kq |
800 mq, iki eyni bərabər dozaya bölünməklə verilir
15 mq/kq, iki eyni bərabər dozaya bölünməklə verilir. Maksimal gündəlik doza 800 mq. |
Cavab reaksiyasından asılı olaraq 7 gündən 30 günə qədər davam edir. |
- Parenximal sistlər və qranuloma |
> 60 kq
< 60 kq |
800 mq, iki eyni bərabər dozaya bölünməklə verilir
15 mq/kq, iki eyni bərabər dozaya bölünməklə verilir. Maksimal gündəlik doza 800 mq. |
Müalicə adətən 7 gündən 28 günə qədər davam edir |
- Araxnoidal və ya mədədaxili kistalar |
> 60 kq
< 60 kq |
800 mq, iki eyni bərabər dozaya bölünməklə verilir
15 mq/kq, iki eyni bərabər dozaya bölünməklə verilir. Maksimal gündəlik doza 800 mq. |
Qeyri-parenximal sistlərdə adətən 28 günlük müalicə tələb olunur. |
- Salxımşəkilli kistalar |
> 60 kq
< 60 kq |
800 mq, iki eyni bərabər dozaya bölünməklə verilir
15 mq/kq, iki eyni bərabər dozaya bölünməklə verilir. Maksimal gündəlik doza 800 mq. |
Müalicə adətən ən azı 28 gün davam edir. |
Alveolyar exinokokkozunmüalicəsi sistli exinokokkozda olduğu kimi 28 gün müddətində aparılır. Müalicə aylarla, hətta illərlə davam edə bilər. Məlumatlar göstərir ki, uzunmüddətli müalicəllər zamanı sağ qalma halları daha da yüksəlib. Davamlı müalicə məhdud sayda pasiyentlərdə aşkar sağalma halları ilə nəticələnmişdir.
Neyrosistoserkoz diaqnozu ilə müalicə alan pasiyentlər tələb olunduğu kimi steroid və antikonvulsant müalicə almalıdırlar. Müalicənin ilk həftəsi hipertoniyanın baş verməsinin qarşısını almaq üçün oral və ya venadaxili kortikosteroidlərin istifadəsi tövsiyə olunur.
İnfeksiya |
Böyüklərdə və uşaqlarda doza |
Müalicə müddəti |
Kapillarioz |
400 mq |
10 gün müddətində hər gün qəbul olunur. |
Gnatostomioz |
400 mq |
10 gündən 20 günə qədər hər gün qəbul olunur. |
Trixinellyoz |
400 mq |
5 gündən 10 günə qədər gündə iki dəfə qəbul olunur. |
Toksokaroz |
400 mq |
5 gündən 10 günə qədər gündə iki dəfə qəbul olunur. |
Yaşlılar
Bağırsaq infeksiyaları və dərinin Larva miqrans infeksiyasında olduğu kimi.
Böyrək pozğunluğu olan pasiyentlər
Bağırsaq infeksiyaları və dərinin Larva miqrans infeksiyasında olduğu kimi.
Qaraciyər pozğunluğu olan pasiyentlər
Albendazol qaraciyər vasitəsilə aktiv metaboliti olan albendazol sulfoksidə çevrildiyi üçün qaraciyər pozğunluğu olan pasiyentlərdə albendazol sulfoksidin farmakokinetikasına əhəmiyyətli təsirin olacağı gözlənilən haldır. Albendazol ilə müalicəyə başlamazdan əvvəl qaraciyər analizləri dəyərləndirilməli və qaraciyər fermentlərinin (transaminazaların) kliniki cəhətdən əhəmiyyətli bir dərəcədə artdığı və qanın azaldığı təqdirdə müalicə dayandırılmalıdır (“Xüsusi göstərişlər və ehtiyat tədbirləri” və “Əlavə təsirlər” bölmələrinə baxın).
Əlavə təsirləri
Əlavə təsirlərin rastgəlmə tezliyi aşağıdakı kimidir: çox tez-tez (≥1/10), tez-tez (≥1/100 - <1/10), az-az (≥1/1,000 - <1/100), nadir (≥1/10,000 - <1/1,000), çox nadir (<1/10,000), tezliyi məlum deyil (əldə olan məlumatlara əsasən qiymətləndirmək mümkün deyil).
Ürəkbulanma, qusma, qarın ağrısı, baş ağrısı və ya saçların müvəqqəti tökülməsi baş verə bilər. Əgər bu təsirlərdən hər hansı biri davam edirsə və ya pisləşirsə, dərhal həkimə və ya əczanəyə müraciət edin. Bu qeyri-mümkün, lakin ciddi fəsadlardan hər hansı biri baş verərsə, dərhal həkimə xəbər verin: görmənin dəyişməsi, gözlərin və dərinin sarılığı, qarında, mədə nahiyyəsində şiddətli ağrı, sidiyin rənginin tündləşməsi. Unutmayın ki, həkiminiz bu dərmanı sizə faydanın yan təsirlər riskindən daha böyük olduğunu qərara aldığı üçün yazıb.
Bu nadir, lakin çox ciddi fəsadlardan hər hansı biri baş verərsə, dərhal həkimə xəbər verin: qeyri-adi yorğunluq, yüngül göyərmələr, qanaxmalar, infeksiya əlamətləri (məs., qızdırma, davamlı boğaz ağrısı), sidiyin miqdarının dəyişməsi, şiddətli və davamlı baş ağrısı, qıcolmalar, çaşqınlıq, çox sərt boyun. Bu dərmana çox ciddi allergik reaksiya nadir hallarda rast gəlinir. Lakin ciddi allergik reaksiyanın hər hansı bir simptomunu müşahidə etsəniz, dərhal tibbi yardım istəyin. Bu əlamətlər arasında: səpgi, qaşınma, şişkinlik (xüsusilə, üz, dil və boğaz nahiyələrində), güclü başgicəllənmə, nəfəsalmanın çətinləşməsi.
Exinokokk xəstəliyi və neyrosistikerkoz zamanı albendazolun əlavə təsirlərinin rastgəlmə tezlikləri fərqlidir. Hər iki xəstəlikdə ≥1% tezliyi ilə baş verən əlavə təsirlər aşağıdakı tabloda təsvir olunmuşdur. Bu simptomlar adətən yüngül olurdu və müalicəsiz həll olurdu. Müalicənin dayandırılması əsasən leykopeniya (0,7%) və ya hepatik anormallıqlar (3,8% exinokokk xəstəliyi zamanı) səbəbindən baş verir. Aşağıdakı hadisələr tədqiqatı aparanlar tərəfindən ən azı ehtimal edilən və ya ehtimal ki, albendazolla bağlı olan hadisələri əks etdirir.
Ekinokokk xəstəliyi və neyrosistiserkoz zamanı albendazolun ≥1% əlavə təsirlərinin rastgəlmə tezlikləri:
Əlavə təsirlər |
Exinokokk xəstəliyi |
Neyrosistiserkoz |
Anormal qaraciyər funksiyası testləri |
15.6 |
<1.0 |
Qarın ağrısı |
6.0 |
0 |
Ürəkbulanma/qusma |
3.7 |
6.2 |
Baş ağrısı |
1.3 |
11.0 |
Başgicəllənmə |
1.2 |
<1.0 |
Kəllədaxili təzyiqin yüksəlməsi |
0 |
1.5 |
Meningeal əlamətlər |
0 |
1.0 |
Bərpa olunan alopesiya |
1.6 |
<1.0 |
Qızdırma |
1.0 |
0 |
Aşağıdakı əlavə təsirlər <1% tezliyində müşahidə edilmişdir:
Qan və limfa sistemdə baş verən pozulmalar
Leukopeniya. Nadir hallarda qranulositoz, pansitopeniya, aqranulostit və ya trombositoz (bax: Xüsusi göstərişlər və ehtiyat tədbirləri) haqqında məlumatlar da olmuşdur.
İmmun sistemdəbaş verən pozulmalar
Həssaslığın yüksəlməsi reaksiyaları, o cüm. səpgi və övrə.
Postmarketinq əlavə təsirləri
Kliniki sınaqların gedişatı zamanı xəbər verilən əlavə təsirlərlə yanaşı, təsdiq olunduqdan sonra bütün dünyada ALBENZA-nın istifadəsi zamanı aşağıdakı hadisələr də müəyyən edilmişdir. Ona görə ki, onlar naməlum əhali tərəfindən könüllü olaraq bildirildiyi üçün bu hadisələrin rastgəlmə tezliklərini hesablamaq mümkün deyil. Bu hadisələr onların ağırlıq dərəcəsinə, mesajların tezliyinə və ya potensial səbəbi ALBENZA ilə əlaqəli olduğuna görə seçilmişdir.
Qan və limfa sistemdə baş verən pozulmalar
Aplastik anemiya, sümük iliyinin sıxışdırılması, neytropeniya.
Hepatobiliar pozulmalar
Qaraciyər fermentlərinin aktivliyinin artması, hepatitlər, kəskin qaraciyər çatışmazlığı.
Dərinin və dərialtı toxumanın xəstəlikləri
Multiformalı eritema, Stivens-Conson sindromu.
Böyrəklər və sidikçıxarıcı yolların xəstəlikləri
Kəskin böyrək çatışmazlığı.
Doza həddinin aşılması
Doza həddinin aşılması baş verərsə, məsləhət üçün müalicə həkiminizə müraciət edin.
Buraxılış forması Çeynəmə tabletlər. 10 tablet bir ALU/ALU/Alüminium blisterdə. 4 blister içlik vərəqə ilə birlikdə karton qutuya qablaşdırılır (qutuda 40 tablet).
Saxlanma şəraiti
30°C-dən yüksək olmayan temperaturda, orijinal qabda və uşaqların əli çatmayan yerdə saxlamaq lazımdır.
Yararlılıq müddəti
36 ay.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı/Qeydiyyat vəsiqəsinin sahibi
Centurion Healthcare Pvt Ltd
Eksklüziv distribyutor
EL Kompaniya MMC.