SİMİN 200

SİMİN 200       tabletlər
SIMIN 200

Beynəlxalq patentləşdirilməmiş adı: Rifaximin

Tərkibi
Təsiredici maddə:   1 tabletin tərkibində 200 mq rifaksimin vardır.
Köməkçi maddələr: laktoza monohidrat, mikrokristallik sellüloza, polisorbat 80, natrium kroskarmelloza,
silisium dioksid, maqnezium stearat, hidroksipropilmetilselülloza, polietilenqlikol,
titan dioksid, talk, qırmızı punzo 4R boya maddəsi.

Təsviri
Qırmızı rəngli, yumru, örtüklü tabletlərdir.

Farmakoterapevtik qrupu
Antibiotiklər.
ATC kodu: A07AA11.

Farmakoloji xüsusiyyətləri
Farmakodinamikası
Rifaksimin eyniadlı antibiotik qrupunun digər üzvləri kimi bakterial DNT-dən asılı RNT polimerazanın beta-subvahidi ilə birləşir (geridönməyən birləşmə) və nəticədə bakterial RNT sintezini blokada edir. Rifaksiminin mikrobəleyhinə təsir spektri genişdir. Qrammənfi, qrammüsbət, həmçinin aerob və anaerob bakteriyalara qarşı aktivdir.
Rifaksiminə rezistentlik yarana bilər. Lakin bu müvəqqəti xarakter daşıyır və klinik əhəmiyyətli deyil, çünki preparat çox qısa müddətdə istifadə olunur və nəzərəçarpan antibakterial təsir göstərir (bağırsaqda yüksək qatılıqda toplanaraq patogen ştammları tam məhv edir). 
Rifaksiminlə müalicədən sonra rifaksiminə və rifamisinin digər törəmələrinə qarşı çarpaz rezistentliyin inkişafı haqda məlumat yoxdur.
Farmakokinetikası
Absorbsiyası
Sağlam insanlarda rifaksimin qan zərdabında Cmax 1 saata, rifaksimin 550 mq-dan birdəfəlik və bir neçə dozalardan qəbul edikdən sonra orta Cmax 2,4-dan 4 nq/ml-ə qədər dəyişilmişdir.
Rifaksimin şigellyoz olan 13 pasiyentlərin sistemli absorbsiyası (200 mq gündə üç dəfə) 1-ci və 3-cü üç günlük müalicə kursunda qiymətləndirilmişdir. Rifaksiminin qan zərdabında konsentrasiyası və ekspozisiyası aşağı və dəyişkən olmuşdur. 3 gün ərzində (9 doza) yenidən tətbiq edildikdən sonra rifaksiminin yığılmasının heç bir əlaməti olmamışdır. Rifaksimin 3 və 9 ardıcıl dozadan sonra qan zərdabında Cmax 0,81-dan 3,4 nq/ml-ə qədər 1-ci gün və 0,68-dən 2,26 ng/ml-ə qədər 3-cü gündə dəyişilmişdir. Eynilə, AUC0-last qiymətləndirmələri 6,95 ± 5,15 nq•h/mL 1-ci gün və 7,83 ± 4,94 nq•h/mL 3-cü gün təşkil edib. Rifaksimin peroral qəbul etdiyinə görə sistem bakterial infeksiyaların müalicəsi üçün uyğun deyil (xəbərdarlıq və ehtiyat tədbirlərinə bax).
Anamnezdə HE ilə olan xəstələrdə rifaksiminin orta ekspozisiyası (AUCτ) sağlam sınaqdan keçən insanlardan təxminən 12 dəfə yüksək olmuşdur. Anamnezdə HE ilə olan xəstələr arasında (Çayld-Pyu C sinifi) qaraciyər çatışmazlığı olan xəstələrin tərəfindən orta AUC (Çayld-Pyu A sinifinin) qaraciyər çatışmazlığı olan xəstələrə nisbətən 2 dəfə yüksək olmuşdur.
İshal ilə qıcıqlanmış bağırsaq sindromu (IBS-D) rifaksimin  550 mq gündə üç dəfə 14 gün ərzində qəbul edən pasiyentlərin orta Tmax 1 saat təşkil etmişdir, orta Cmax və AUCtau isə ümumiyyətlə sağlam insanlarla müqayisə olunmuşdur. Çoxdəfəli dozalardan sonra AUC İBS-D-dan (cədvəl 1) olan xəstələrdə 1-ci gündən 1,65 dəfə çox olub.

Cədvəl 1. Sağlam və IBS-D olan xəstələrdə rifaksiminin 550 mq gündə 3 dəfə dozada qəbulundan sonra rifaksiminin orta farmakokinetik parametrləri (± SD).

	Sağlam insanlar		IBS-D pasiyentlər
	Birdəfəlik doza (gündə 1 dəfə) n=12	Çoxdəfəli dozalar (gündə14) n=14	Birdəfəlik doza (gündə 1 dəfə) n=24	Çoxdəfəli dozalar (gündə14) n=24
Cmax (nq/mL)	4,04 (1,51)	2,39 (1,28)	3,49 (1,36)	4,22 (2,66)
Tmax (h) *	0,75 (0,5-2,1)	1,00 (0,5-2,0)	0,78 (0-2)	1,00 (0,5-2)
AUCtau (ng•h/mL)	10,4 (3,47)	9,30 (2,7)	9,69 (4,16)	16,0 (9,59)
Yarımxaricolma dövrü (h)	1,83 (1,38)	5,63 (5,27)	3,14 (1,71)	6,08 (1,68)
*Orta diapazon

Sağlam insanlarda yüksək yağ tərkibli qidanın qəbulu rifaksiminin qəbulundan 30 dəqiqə əvvəl rifaksiminin qan zərdabında Cmax çatması 0,75 saatdan 1,5 saata qədər ləngimişdir və rifaksiminin sistem ekspozisiyasını (AUC) 2 dəfə artırmış, lakin Cmax-ə əhəmiyyətli dərəcədə təsir etməmişdir.
Rifaksimin insan qan zərdabında zülallarla birləşir. In vivo, rifaksiminin zülallarla birləşməsi sağlam insanlarda 67,5% və qaraciyər çatışmazlığı olan xəstələrdə 62% təşkil etmişdir.
Sağlam insanlarda rifaksiminin orta yarımxaricolma dövrü 5,6 saat, İBS-D xəstəliyi olan xəstələrdə isə – 6 saat olub.
Metabolizmi
In vitro klinik tədqiqatında rifaksimin əsasən CYP3A4 ilə metabolizə uğramışdır. Rifaksimin plazmanın radioaktivliyinin 18%-ni təşkil etmişdir ki, bu da absorbsiya olunmuş rifaksiminin intensiv metabolizmə məruz qaldığını göstərir.
Ekskresiyası
Kütləvi balans araşdırmasında, sağlam könüllülərə 400 mq radioaktiv 14C-rifaksimin preparatını peroral yeritdikdən sonra ümumi xaricolma  96,94% təşkil etmişdir, təyin olunan radioaktiv maddənin 96,62%-i əsasən nəcislə dəyişilməmiş dərman şəklində, 0,32%-i sidiklə əsasən metabolit şəklində, 0,03%-i isə sidiklə dəyişilməmiş dərman şəklində xaric olunmuşdur.
Rifaksiminin biliar ekskresiyası ayrıca bir tədqiqatda öyrənilmişdir ki, bu zaman MBT- nın zədələnməmiş selikli qişası olan pasiyentlərdə xolesistektomiyadan sonra rifaksimin öddə aşkar olunmuşdur
Rifaksiminin qaraciyər çatışmazlığı olan xəstələrdə sağlam insanlarla müqayisədə sistem təsirinin əhəmiyyətli dərəcədə artması bildirilmişdir.
Anamnezdə HE ilə olan xəstələrdə rifaksimin 550 mq gündə 2 dəfə istifadəsindən sonra, rifaksiminin  farmakokinetikası qiymətləndirilmişdir. Farmakokinetik parametrlər yüksək dəyişkənlik ilə əlaqələndirilmişdir, anamnezdə HE ilə olan xəstələrin orta ekspozisiyası (AUCτ) sağlam sınaqdan keçən insanlardan yüksək olmuşdur. Qaraciyər çatışmazlığı Çayld-Pyu A,B və C sinifləri olan xəstələrdə sağlam insanlara baxanda orta AUCτ 10,14 və 21 dəfə yüksək idi (cədvəl 2).

Cədvəl 2. Anamnezdə qaraciyər ensefalopatiyası olan pasiyentlərdə Çayld-Pyu* sinifə görə rifaksiminin orta farmakokinetik parametrləri (± SD).

	Sağlam insanlar (n=14)	Child-Pugh Sinfi
		A (n=18)	B (n=15)	C (n=6)
AUCtau (ng•h/mL)	12,3 ± 4,8	118 ± 67,8	169 ± 55,7	257 ± 100,2
Cmax (ng/mL)	3.4 ± 1,6	19,5 ± 11,4	25,4 ± 11,9	39,7 ± 13,4
Tmax† (h)	0,8 (0,5; 4,0)	1 (0,9; 10)	1 (1,0; 4,2)	1 (0,2)
*sağlam insanların farmakokinetik qarşılıqlı müqayisə †orta diapazon

İstifadəsinə göstərişlər
- səyahətçi diareyası (ishalı);
- qaraciyər ensefalopatiyası (hiperammoniemiyanın müalicəsində dəstəkləyici olaraq);
- ishal üstünlüklü qıcıqlanmış bağırsaq sindromu.

Əks göstərişlər
Rifaksiminə, digər rifamisin törəmələrinə və preparatın hər hansı digər bir komponentinə qarşı yüksək həssaslıq. Həssaslıq reaksiyalarına eksfoliativ dermatit, angionevrotik ödem və anafilaksiya daxildir.

Xüsusi göstərişlər və ehtiyat tədbirləri
E. coli mənşəli olmayan səyahətçi ishalı zamanı: qızdırma ilə ağırlaşmış ishal zamanı, nəcisdə qan müşahidə olunduqda və ya hər hansı bir patogen mikroorqanizm, E.coli-dən başqa, ishala səbəb olduqda, Simin-nin effektiv olduğu aşkar edilməmişdir. Diareya simptomları daha da pisləşərsə (ağırlaşarsa) və ya 24-48 saatdan çox davam edərsə Simin preparatının qəbulu dayandırılmalıdır və alternativ antibiotik müalicəsi nəzərə alınmalıdır.
Simin Campylobacter jejuni mənşəli olan səyahətçi diareya zamanı təsirli deyil. Shigella spp. və Salmonella spp. mənşəli olan səyahətçi diareyasında Simin preparatının effektivliyi sübut olunmayıb.
Campylobacter jejuni, Shigella spp. patogenlərin törətdiyi xəstəlikləri olan pasiyentlərdə Simin istifadə edilməməlidir. Clostridium Difficile ilə bağlı baş verən ishal: Simin daxil olmaqla, demək olar ki, bütün antibakterial preparatların tətbiqi zamanı Clostridium difficile ilə əlaqəli diareya (CDAD) barədə məlumat verilmişdir və onun ağırlığı yüngül ishaldan ölümcül kolitə qədər dəyişə bilər. Antibakterial preparatlarla müalicə bağırsağın normal mikroflorasını dəyişdirir, bu da C. difficile-in həddindən artıq artmasına səbəb ola bilər. C. difficile CDAD-nın inkişafına kömək edən toksinləri (A və B) sintez edir.
C. difficile ştammların sintez etdiyi hipertoksinlər xəstələnməyə və ölümə səbəb ola bilərlər. Bu infeksiyalar antibiotikoterapiya qarşı refrakter ola bilər və kolektomiya tələb oluna bilər. Antibiotiklərin istifadəsindən sonra diareya müşahidə olunan bütün xəstələrdə CDAD nəzərə alınmalıdır. Antibakterial preparatları yeridiləndən sonra iki ay ərzində CDAD baş verə bildiyinə görə xəstəliyin hərtərəfli anamnezi lazımdır. CDAD olmasına hər hansı bir şübhə və ya təsdiq varsa, C. Difficile-yə həssas olmayan antibiotiklərin daimi istifadəsini dayandırmaq lazım ola bilər. Müvafiq maye və elektrolit nəzarəti, protein əlavələr, C. Difficile-nin antibiotik ilə müalicəsi və cərrahi müayinə klinik təyinat ilə olunmalıdır.

Digər dərman vasitələri ilə qarşılıqlı təsiri
In vitro tədqiqatı Simin preparatının  CYP3A4 substratı olduğunu göstərmişdir. In vitro tədqiqatlar  rifaksiminin P-qlikoprotein, OATP1A2, OATP1B1 və OATP1B3 substratı olduğunu göstərmişdir. Simin OATP2B1 substratı deyil.
Siklosporin
Sağlam könüllülərdə orta dərəcədə potensiala sahib bir P-qlikoprotein inhibitoru olan siklosporin (600 mq) və Siminin tək dozasının (550 mq) birgə qəbulu zamanı Siminin maksimal qatılığı (Cmax) 83 dəfə, AUC∞ isə 124 dəfə artdığı müşahidə olunmuşdur. Bu artımın sistem təsiri öyrənilməmişdir.
In vitro dərman qarşılıqlı tədqiqatlarında Simin üçün IC50 dəyəri CYP izoformlar 1A2, 2A6, 2B6, 2C9, 2C19, 2D6 və 2E1 üçün >50 mkmol (~60 mkq) olmuşdur. In vitro CYP3A4 üçün Simin IC50 dəyəri 25 mkrmol olmuşdur. In vitro tədqiqatların əsasında Simin 1A2, 2A6, 2B6, 2C9, 2C19, 2D6, 2E1 və 3A4 inhibə vasitəsilə klinik dərman qarşılıqlı təsiri gözlənilmir. İn vitro Simin P-qlikoproteinin nəqliyyatına inhibə təsiri tədqiqatında müşahidə edilmişdir. İn vivo Simin P-qlikoproteinin nəql olunmasına təsiri qiymətləndirilməmişdir. In vitro Simin preparatı araşdırmalarında, 3 mikromol dozada Simin OATP1B1 vasitəsilə 64% və OATP1B3 vasitəsilə 70% ilə estradiol qlükuronidinin absorbsiyasını inhibə edir, OATP1A2 vasitəsilə estron sulfatın absorbsiyasını isə 40% ilə inhibə edir.

 

Hamiləlik və laktasiya dövründə istifadəsi
Hamilə qadınlarda Simin istifadəsi ilə bağlı hər hansı risklər barədə məlumat yoxdur. Heyvanların reproduktiv tədqiqatlarında hamilə siçovulların və dovşanların Simin preparatının tətbiqindən sonra orqanogenez zamanı təxmini olan dozalarda 0,9 – 5-ə qədər və 0,7 – 33-ə qədər müvafiq olaraq insan üçün tövsiyə olunmuş dozalar sutkada 600-165 mq teratogen təsirlər müşahidə edilmişdir. Dovşanlarda onurğanın inkişafının göz, ağız və çənə-üz, ürək və bel qüsurları müşahidə olunmuşdur. Göz qüsurları həm siçovularda, həm də dovşanlarda ananın bədən çəkisinin artımının azalmasına səbəb olan dozalarda müşahidə edilmişdir. ABŞ-ın ümumi populyasiyasında klinik olaraq tanınan hamiləliklər zamanı ciddi anadangəlmə qüsurların və düşüklərin ehtimal fon riski müvafiq olaraq 2%-dən 4%-ə qədər və 15-dən 20%-ə qədərdir. Hamilə qadınlara döl üçün potensial risk barədə məlumat verilməyib.
Laktasiya dövrü
Simin preparatının ana südündə olması, körpəyə təsiri və ya süd ifrazına təsiri haqqında heç bir məlumat yoxdur. Ana südü ilə qidalanmanın sağlamlığın inkişafı və faydası ananın Simin preparatına olan klinik ehtiyacı və Simin preparatından və ya ananın vəziyyətindən südəmər körpəyə hər hansı potensial zərərli təsirlərlə birlikdə nəzərə alınmalıdır.
Kanserogenlik, mutagenlik, fertilliyin pozulması
Rifaksimini iki il ərzində peroral gündə 150-250 mq/kq dozada mədə zondu yolu ilə qəbul edən erkək siçovulların Crl:CD® (SD) ürəyində bədxassəli şvannomalar əhəmiyyətli dərəcədə yüksəlmişdir (TD üçün gündə üç dəfə 200 mq tövsiyyə olunan dozadan 2.4-4 dəfə yüksək dozaya ekvivalent, və HE üçün gündə iki dəfə 550 mq tövsiyyə olunan dozadan 1.3-2.2 dəfə artıq dozaya ekvivalent, bədən səthi sahəsinin müqayisəsinə uyğun olaraq). 26 həftə ərzində rifaksimini peroral yolla gündə 150-2000 mq/kq dozada qəbul edən Tg.rasH2 siçanlarda şişlərin artması qeyd olunmamışdır (TD üçün tövsiyyə olunan gündəlik dozadan 1.2-16 dəfə yüksək dozaya ekvivalent, və HE üçün tövsiyyə olunan gündəlik dozadan 0.7-9 dəfə yüksək dozaya ekvivalent, bədən səthi sahəsinin müqayisəsinə uyğun olaraq). Rifaksimin bakteriyaların əks mutasion qiymətləndirməsi, xromosom aberrasiyası analizində, siçovulların sümük iliyinin mikronuklear analizi, siçovulların hepatositlərində plansız DNT sintezi analizində, və ya CHO/HGPRT mutasion analizi zamanı genotoksikliyi qeyd olunmamışdır. 300 mq/kq-a qədər dozalarda rifaksimin qəbulundan sonra erkək və dişi siçovullarda fertilliyə hər-hansı təsiri qeyd olunmamışdır (TD üçün gündə 600 mq kliniki dozadan 5 dəfə yüksək, və HE üçün gündə 1100 mq kliniki dozadan təxminən 2.6 dəfə yüksək doza, bədən səthi sahəsinə uyğun korreksiya olunmaqla).
Pediatriya: 12 yaşa qədər TD ilə uşaqlarda və ya 18 yaşa qədər HE və IBS-D ilə RİFAKSİMİN preparatdan istifadənin təhlükəsizliyi və effektivliyi müəyyənləşdirilməyib.
Heriatriya: HE üçün Simin ilə klinik tədqiqatında iştirak edən xəstələrin ümumi sayında 19%-i 65 yaşdan yuxarı, 2%-i isə 75 yaşdan yuxarı olmuşdur. IBS-D üçün keçirilən klinik tədqiqatlarda, xəstələrin 11% – 65 yaşdan yuxarı, 2% isə – 75 yaşdan yuxarı olmuşdur. Sınaqda yaşlı insanlar və daha gənc insanlar arasında hər hansı bir göstəriciyə görə təhlükəsizlik və ya effektivlik arasında heç bir ümumi fərq müşahidə edilməmişdir.
TD üçün Simin ilə klinik tədqiqatlar 65 yaşlı və daha yaşlı xəstələrin, daha gənc subyektlərdən fərqli olaraq digər reaksiya verdiklərini müəyyən etmək üçün kifayət qədər miqdarda xəstə daxil etməmişdir. Digər bir klinik təcrübə yaşlı və gənc xəstələr arasında cavablarda heç bir fərq müşahidə olunmamışdır, lakin bəzi yaşlı insanların daha həssaslığını istisna etmək olmaz.

İstifadə qaydası və dozası:
Səyahətçi diareyası (ishalı) zamanı Simin 200 preparatının tövsiyə olunmuş dozası 1 tabletdən (200 mq Simin) gündə 3 dəfə, 3 gün ərzində təşkil edir. Simin 200 peroral, qida ilə birlikdə və ya qida qəbulundan asılı olmadan qəbul oluna bilər.

 

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Klinik nəzarət edilən sınaqlarda başgicəllənmə və yuxululuq halları bildirilmişdir, lakin rifaksimin nəqliyyat vasitələrini idarə etmək və mexanizmlərlə işləmək qabiliyyətinə əhəmiyyətsiz təsir göstərir.

Əlavə təsirləri
Qaraciyər ensefalopatiyası. Aşağıda təsvir edilən məlumatlar, Simin preparatının 348 xəstədə təsirini əks etdirir, həmçinin 265 xəstə 6 ay ərzində və 202 xəstə bir ildən çox müddət ərzində qəbul etmişdir (orta təsir 364 gün təşkil etmişdir). Böyük xəstələrdə aşkar qaraciyər ensefalopatiyanın inkişaf riskini azaltmaq üçün gündə iki dəfə 550 mq dozada Simin qəbulunun təhlükəsizliyi 6 aylıq plasebo-nəzarət olunan klinik tədqiqatda (n=140) və uzunmüddətli sonrakı sınaqda (n=280) qiymətləndirilmişdir. Araşdırılan əhalinin orta yaşı 56 yaş olmuşdur (21-dan 82-ə qədər); xəstələrin təxminən 20%-i 65 yaşdan yuxarı, 61%-i kişi, 86%-i ağdərili, 4%-i isə qaradərili olub. Araşdırmada xəstələrin 19 faizi laktulozanı eyni zamanda qəbul etmişdirlər. 6 aylıq çalışmada plasebo qrupuyla müqayisədə, Simin qəbul edən xəstələrdə əlavə təsirlərin tezlikləri ≥5% və daha yüksək tezlikləri 3-ci cədvəldə qeyd olunub.

Cədvəl 3. HE (qaraciyər ensefalopatiyası) tədqiqatında ən çox yayılan əlavə reaksiyalar.

MedDRA	Xəstələrin sayı (%)
	Simin-in 550mq-lıq tabletləri gündə iki dəfə n=140	Plasebo n=159
Periferik ödemi	21 (15%)	13 (8%)
Ürəkbulanma	20 (14%)	21 (13%)
Başgicəllənmə	18 (13%)	13 (8%)
Yorğunluq	17 (12%)	18 (11%)
Assit	16 (11%)	15 (9%)
Əzələ spazmları	13 (9%)	11 (7%)
Qaşınma	13 (9%)	10 (6%)
Qarın nahiyəsində ağrı	12 (9%)	13 (8%)
Qanazlığı	11 (8%)	6 (4%)
Depressiya	10 (7%)	8 (5%)
Nazofaringit	10 (7%)	10 (6%)
Yuxarı qarın nahiyəsində ağrı hissi	9 (6%)	8 (5%)
Artralgiya	9 (6%)	4 (3%)
Təngnəfəslik	9 (6%)	7 (4%)
Hərarət	9 (6%)	5 (3%)
Səpgi	7 (5%)	6 (4%)
*Simin qəbul edən xəstələrdə əlavə təsirlərin əlamətləri ≥5% plasebo qupunda qeyd olunandan daha yüksək kimi göstərilir.

İshal ilə qıcıqlanmış bağırsaq sindromu: IBS-D (ishal ilə qıcıqlanmış bağırsaq sindromu) müalicəsi üçün Simin preparatının təhlükəsizliyi 3 plasebo-nəzarət olunan tədqiqatlarda qiymətləndirilib, olan 952 xəstə Simin preparatının 550 mq-dan gündə üç dəfə 14 gün-ə randomizə edilmişdir. 3 tədqiqatda xəstələrin 96%-i Simin ilə ən azı 14 gün müalicə almışdır. 1-ci və 2-ci tədqiqatda 624 xəstə yalnız birdəfəlik 14 günlük müalicə almışdır. 3cü tədqiqatda Simin təhlükəsizliyi 328 xəstələrində 1 açıq müalicə və 2 cüt kor təkrar müalicə alan hər biri 14 gün ərzində 46 həftəyə qədər qiymətləndirilmişdir.
Tədqiq olunan əhalinin orta yaşı 47 yaş (18-88 yaş arası) təyin olunmuşdur, bunlardan da pasiyentlərin təxminən 11%-i 65 yaşdan yuxarı, 72%-i qadınlar, 88%-i ağdərili, 9%-i qaradərəli, 12%-i isə latın amerikalılardır.
Plasebo qrupuna nisbətən, Simin qəbul edən xəstələrdə əlavə təsirlərin tezlikləri ≥2% daha tez rast gəlinmişdir. İBS-D (diareya ilə qıcıqlanmış bağırsaq sindromu) üçün 1və 2 tədqiqatlarda: ürəkbulanma (3% Simin, 2% plasebo), olub. Simin qəbul edən xəstələrdə (n=328) əmələ gələn əlavə təsirlərin tezlikləri >2% daha tez rast gəlirdi nəyin ki plasebo (n=308) qrupunda. 3-cü tədqiqatında İBS-D (diareya ilə qıcıqlanmış bağırsaq sindromu) üçün ikiqat kor müalicə zamanı:

• ALT-nın artması (Simin 2%, plasebo 1%)
• Ürəkbulanma (Simin 2%, placebo 1%)

Az baş verən əlavə təsirlər
Orqan sistemi tərəfindən təqdim olunan aşağıdakı əlavə təsirlər TD (Səyahətçi diareyası) və İBS-D-nın (ishal ilə qıcıqlanmış bağırsaq sindromu) klinik tədqiqatlarında xəstələrin 2%-dən aşağı və HE (qaraciyər ensefalopatiyası) klinik sınaqlarında xəstələrin 5%-dən aşağı qeyd olunmuşdur:
Hepatobiliar xəstəliklər: klostridial kolit; qanda kreatin fosfokinazanın artması;
Dayaq-hərəkət aparatının və birləşdirici toxumasının pozulmaları: mialgiya.

 

Doza həddinin aşılması
Simin doza həddinin aşılmasının müalicəsi haqqında heç bir xüsusi məlumat yoxdur.
Tövsiyə olunan dozanı (TD üçün gündə 600 mq-dən çox, HE üçün gündə 1100 mq-dan çox və ya İBS-D üçün gündə 1650 mq-dən çox) aşan dozalarda klinik tədqiqatlar zamanı əlavə reaksiyalar tövsiyə olunan doza və plasebodan daha yüksək dozaları qəbul edən pasiyentlərlə oxşar olmuşdur.  Doza həddini aşdıqda Simin qəbulunu dayandırın, simptomatik müalicə aparın və lazım olduqda dəstəkləyici tədbirləri təyin edin.
Doza həddinin aşılması halları məlum deyil. Klinik tədqiqatlar zamanı Simin preparatının gündəlik dozası 2400 mq-dan yuxarı olmamaq şərtilə, 7 gün ərzində qəbulu zamanı arzuolunmaz təsirlər meydana çıxmamışdır. Preparatın daha yüksək dozalarda qəbulu zamanı doza artıqlığı meydana çıxarsa, mədənin yuyulması və müvafiq dəstəkləyici tədbirlərin görülməsi məsləhət görülür.

Buraxılış forması
Örtüklü tabletlər 200 mq.
10 tablet, blisterdə. 3 blister, içlik vərəqə ilə birlikdə karton qutuya qablaşdırılır

Saxlanma qaydası
25°C temperaturda, işıqdan qorunan, quru və uşaqların əli çatmayan yerdə saxlamaq lazımdır.

Yararlılıq müddəti
2 il.
Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçı
Laboratorio Eczane Pharma S.A., Argentina.
Laprida 43, Avellaneda (1870), Buenos Aires, Argentina.

Qeydiyyat vəsiqəsinin sahibi
Laboratorio Eczane Pharma S.A., Argentina.

Laprida 43, Avellaneda (1870), Buenos Aires, Argentina.