REBAQAST
REBAQAST örtüklü tabletlər
REBAGAST
Beynəlxalq patentləşdirilməmiş adı: Rebamipide
Tərkibi
Təsiredici maddə: 1 tabletin tərkibində 100 mq rebamipid vardır.
Köməkçi maddələr: mikrokristallik sellüloza, aşağı əvəzolunmuş hidroksipropilsellüloza,
hidroksipropilsellüloza, maqnezium stearat.
Örtük: hipromelloza, titan dioksid (E 171), polietilenqlikol (makroqol).
Təsviri
Girdə, hər iki tərəfi hamar, hər iki tərəfi qabarıq, ağ rəngli örtüklü tabletlərdir.
Farmakoterapevtik qrupu
Turşuluqdan asılı xəstəliklərin müalicəsi üçün istifadə olunan preparatlar.
ATC kodu: A02BX14.
Farmakoloji xüsusiyyətləri
Farmakodinamikası
Rebamipid mədə şirəsinin tərkibində olan E2 və İ2 prostaqlandinlərinin (PGE2 və PGİ2) endogen tərkibini yüksəldir və həmçinin, mədənin selikli qişasında E2 prostaqlandinin (PGE2) səviyyəsini yüksəldir ki, bu da onun zədələyici faktorlardan qorunmasına səbəb olur. Rebamipid, in vitro şəraitdə aparılan tədqiqatlarda təsdiq olunmuş, sitoprotektor effekt göstərir, mədənin selikli qişasında qan dövranını yaxşılaşdırır və hüceyrələrin proliferasiyasını stimullaşdırır. Yüksəkmolekulyar qlikoproteinlərin biosintezini stimullaşdıran fermentlərin aktivlik dərəcəsinin yüksəlməsi sayəsində rebamipid, səthi mədə seliyinin miqdarını artırır. Bazal və stimullaşdırılmış mədə sekresiyasına rebamipid heç bir təsir göstərmir.
Farmakokinetikası
Rebamipidi 100 mq dozada bir dəfə peroral istifadə etdikdən sonra, qan plazmasında preparatın maksimal konsentrasiyası (216 ± 79 nq/ml) 2,4 ± 1,2 saatdan sonra müşahidə olunmuşdur. İn vitro şəraitdə aparılan eksperimentlərdə preparatın təxminən 90 %-i plazma zülalları ilə birləşmişdir, lakin, çoxsaylı tədqiqatlarda təsdiq olunmuşdur ki, insan orqanizmində preparat kumulyasiya olunmur. İnsan orqanizmində preparat, əhəmiyyət kəsb etməyən dərəcədə metabolizmə məruz qalır, lakin orqanizmdən əsasən, dəyişilməmiş şəkildə xaric olunur. Qan plazmasından yarımxaricolma dövrü təxminən 1,9 ± 0,7 saat təşkil edir. Böyrək çatışmazlığından əziyyət çəkən pasiyentlərdə rebamipidi 100 mq dozada istifadə etdikdə, qan plazmasında preparatın konsentrasiyasının yüksəlməsi müşahidə olunmuşdur və sağlam pasiyentlərlə müqayisədə, preparatın yarımxaricolma dövrünün uzanması qeyd olunmuşdur.
İstifadəsinə göstərişlər
Mədə xorası, kəskin qastrit, xroniki qastritin kəskinləşmə mərhələsi, mədənin selikli qişasında patoloji dəyişikliklər (eroziyalar, qanaxmalar, hiperemiya, ödemlər).
Əks göstərişlər
Rebamipidə və ya preparatın tərkibində olan istənilən digər komponentlərə qarşı yüksək həssaslıq. Bədxassəli mədə xəstəlikləri.
Xüsusi göstərişlər və ehtiyat tədbirləri
Bəzən leykositlərin və trombositlərin miqdarının aşağı düşməsi müşahidə oluna bilər. Normaya nisbətən sapmalar aşkar olunduğu halda, preparatın istifadəsinin dayandırılması və pasiyentin vəziyyətinin yaxşılaşdırılması üçün müvafiq tədbirlərin aparılması vacibdir.
Bəzi hallarda AsAT, AlAT, QQTP, QF fermentlərinin səviyyəsinin yüksəlməsi və qaraciyər funksiyalarının digər pozğunluqları, sarılıq müşahidə oluna bilər. Göstərilən reaksiyalar meydana çıxdığı halda, müvafiq müayinə aparmaq və normaya nisbətən sapmalar aşkar olunduğu halda, preparatın istifadəsini dayandırmaq və pasiyentin vəziyyətinin yaxşılaşdırılması üçün müvafiq tədbirlər aparmaq lazımdır.
Digər dərman vasitələri ilə qarşılıqlı təsiri
Ehtimal olunur ki, rebamipidi ənənəvi helikobakterəleyhinə sxemlərin tərkibində istifadə etdikdə, ənənəvi müalicənin effektivliyi yüksəlir.
Digər preparatlarla qarşılıqlı təsiri tədqiq olunmamışdır.
Hamiləlik və laktasiya dövründə istifadəsi
Hamiləlik və laktasiya dövründə rebamipidin istifadəsinın təhlükəsizliyinin təsdiq olunmamasını nəzərə alaraq, həmin dövrlərdə preparatın istifadəsi əks göstərişdir.
Rebamipidin ana südünə nüfuz etməsini nəzərə alaraq, laktasiya dövründə preparatdan istifadə etdikdə, ana südü ilə qidalanmanı dayandırmaq lazımdır.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Rebamipiddən istifadə etdikdə, başgicəllənmə, yuxuya meyllilik meydana çıxa bilər. Belə hallarda, nəqliyyat vasitəsini və digər potensial təhlükəli mexanizmləri idarə etməkdən və həmçinin, yüksək diqqət və sürətli reaksiyalar tələb edən digər fəaliyyət növləri ilə məşğul olmaqdan imtina etmək lazımdır.
İstifadə qaydası və dozası
Preparat peroral istifadə üçün nəzərdə tutulmuşdur.
Mədə xorası
Böyüklərə – sutkada 3 dəfə 100 mq (1 tablet) – səhər, günorta, axşam.
Kəskin qastrit, xroniki qastritin kəskinləşmə mərhələsi, mədənin selikli qişasında patoloji dəyişikliklər (eroziyalar, qanaxmalar, hiperemiya, ödemlər) zamanı vəziyyətin yaxşılaşdırılması
Böyüklərə - sutkada 3 dəfə 100 mq (1 tablet).
Yaşlı pasiyentlər
Yaşlı pasiyentlərin dərman preparatının təsirinə qarşı daha həssas olmasını nəzərə alaraq, həzm sistemində baş verə biləcək pozğunluqların inkişaf etmə riskini aşağı salmaq üçün, göstərilən kateqoriyadan olan pasiyentlərə preparatı ehtiyatla təyin etmək lazımdır.
Uşaqlar
Uşaqlarda preparatın istifadəsinin öyrənilməsi istiqamətində tədqiqatların aparılmamasını nəzərə
alaraq, göstərilən yaş kateqoriyasında olan pasiyentlərə preparatı təyin etmək olmaz.
Əlavə təsirləri
Əlavə reaksiyalar orqan və sistemlərə uyğun və baş vermə tezliyinə əsasən təsnif olunmuşdur. Baş vermə tezliyinə əsasən, əlavə reaksiyalar aşağıda göstərilən kateqoriyalara bölünmüşdür: çox tez-tez (> 1/10), tez-tez (> 1/100 və < 1/10), bəzən (> 1/1000 və < 1/100), nadir hallarda (> 1/10000 və < 1/1000), çox nadir hallarda (< 1/10000), məlum deyil (əldə olunan məlumatlar əsasında qiymətləndirmək mümkün deyil).
Qan və limfa sistemində baş verən pozğunluqlar: bəzən – leykopeniya, qranulositopeniya; məlum deyil – trombositopeniya.
Hepatobiliar sistemdə baş verən pozğunluqlar: bəzən – AsAT, AlAT, qamma-qlutamiltransferaza, QF fermentlərinin səviyyəsinin yüksəlməsi və qaraciyər funksiyalarının digər pozğunluqları; məlum deyil – sarılıq.
İmmun sistemdə baş verən pozğunluqlar: bəzən – dəri üzərində səpgilər, qaşınma, dərman tipli ekzema, digər allergik simptomlar; məlum deyil – övrə.
Mərkəzi və periferik sinir sistemlərində baş verən pozğunluqlar: məlum deyil – keyləşmə, başgicəllənmə, yuxuya meyllilik.
Mədə-bağırsaq traktında baş verən pozğunluqlar: bəzən – qəbizlik, qarın nahiyəsində şişmə və dolğunluq hissi, diareya, ürəkbulanma, qusma, qıcqırma, qarın nahiyəsində ağrı, hava ilə gəyirmə, dadbilmə qabiliyyətinin pozulması; məlum deyil – susuzluq hissi.
Tənəffüs sistemində baş verən pozğunluqlar: məlum deyil – öskürək, tənəffüsün ağırlaşması.
Sidik-cinsiyyət sistemində baş verən pozğunluqlar: bəzən – qadınlarda menstrual siklin pozulması; məlum deyil – süd vəzilərinin şişməsi və süd vəzilərində ağrı hissi, kişilərdə “qadınsayağı süd vəzisi”-nin (ginekomastiyanın) inkişaf etməsi, süd ifrazı.
Laborator tədqiqatlar: məlum deyil – sidik cövhəri səviyyəsinin yüksəlməsi.
Ümumi reaksiyalar: bəzən – hiperhəssaslıq reaksiyaları, ödemlər, burun-boğaz nahiyəsində yad cisim hissi; məlum deyil – qızdırma, həyəcanlılıq, qan axınları (üz nahiyəsinin qəflətən qızarması), dilin keyləşməsi, ürək çırpınması hissi.
Allergiya simptomları meydana çıxdığı halda, preparatın istifadəsini dayandırmaq lazımdır.
Transaminazalar səviyyəsi əhəmiyyətli dərəcədə yüksəldiyi halda və ya eyni zamanda bədən temperaturu yüksəldikdə, səpgilər və digər simptomlar meydana çıxdığı halda, preparatın istifadəsini dayandırmaq və pasiyentin vəziyyətinin yaxşılaşdırılması üçün tədbirlər aparmaq lazımdır.
Doza həddinin aşılması
Doza həddinin aşılması halları təsvir olunmamışdır. Ürəkbulanma, qusma, qarın nahiyəsində ağrı, diareya və ya qəbizlik, baş ağrısı, əlavə reaksiyalar təzahürlərinin güclənməsi müşahidə oluna bilər.
Doza həddinin aşılması qeyd olunduğu halda, mədəni yumaq və simptomatik müalicə təyin etmək lazımdır. Preparatın spesifik antidotu yoxdur.
Buraxılış forması
10 tablet, blisterdə. 6 blister, içlik vərəqə ilə birlikdə karton qutuya qablaşdırılır.
Saxlanma şəraiti
25° C-dən yuxarı olmayan temperaturda, orijinal qablaşmada və uşaqların əli çatmayan yerdə saxlamaq lazımdır.
Yararlılıq müddəti
2,5 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
“Kiyevmedpreparat” İSC.
Ukrayna, 01032, Kiyev şəh., Saksaqanskiy küç., 139.
Qeydiyyat vəsiqəsinin sahibi