ELUR 500

ELUR 500 tabletlər
ELUR 500

Beynəlxalq patentləşdirilməmiş adı: Ursodeoxycholic acid

Tərkibi
Təsiredici maddə: 1 tabletin tərkibində 500 mq ursodezoksixol turşusu vardır.
Köməkçi maddələr: laktoza monohidrat, povidon, natrium nişastaqlikolyatı, qarğıdalı nişastası,
natrium kroskarmelloza, maqnezium stearat.

Təsviri
Bir tərəfində kəsiyi olan ağ rəngli tabletlərdir.

Farmakoterapevtik qrupu
Öd turşuları və törəmələri.
ATC kodu: A05AA02.

Farmakoloji xüsusiyyətləri
Farmakodinamikası
Xolesterindən əmələ gələn təbii hidrofilik öd turşusu olan UDXT insan ödündə az miqdarda mövcuddur.
UDXT əsas öd turşusu olub, toksik konsentrasiyada olan endogen hidrofobik qaraciyərin xolestatik xəstəliyi zamanı yığılan öd turşularını əvəz edir. ELUR preparatının oral tətbiqi, ursodezoksixol turşusunun miqdarını dozaya bağlı şəkildə artırır, xolestatik qaraciyər xəstəliyində toplanmağa meyilli olan endogen hidrofob öd turşularının zəhərli konsentrasiyalarını sıxışdırır/əvəz edir. Hüceyrə və molekulyar səviyyədə göstərdiyi çoxsaylı təsir mexanizmlərinə zəhərli öd turşularının sıxışdırması və əvəz etməsi ilə yanaşı həmçinin, öd axarlarının zədələnmiş epitel hüceyrələrini (xolangiositləri) öd turşusunun toksiki təsirindən qoruması (sitoproteksiya), hepatositlərin apoptozunun inhibə etməsi, hepatositlərdə və xolangiositlərdə olan MHC sinif I zülallarının ekspressiyasını azaltması, hepatositlər və xolangiositlər tərəfindən ödün sekresiyasının stimulyasiyası kimi bir sıra mexanizmlər vasitəsilə göstərdiyi immunomoduləedici effekti də göstərmək olar.
Birincili biliar sirrozu olan pasiyentlərdə ELUR preparatının qəbulundan sonra müşahidə edilən xolesterin səviyyəsinin azalması effekti xolestazın yaxşılaşması, xolesterin mübadiləsinin dəyişməsi və ya hər ikisi ilə əlaqəli ola bilər. ELUR preparatının endogen öd turşusu tərkibindəki törətdiyi dəyişikliklər bu iki mexanizmin ortaq nəticəsi ola bilər.
Farmakokinetikası
Absorbsiyası
UDXT insan orqanizminin ümumi öd turşularının az bir hissəsini (təxminən 5%) təşkil edir. ELUR preparatının peroral qəbulundan sonra, böyük bir hissəsi passiv diffuziya yolu ilə absorbsiya olunur və tam sorulmur.
Sağlam insanlarda ursodezoksixol turşusunun (qeyri-konyuqasiya olunmuş) ən azı 70%-i plazma zülalları ilə birləşir. Sağlam insanlarda və ya birincili biliar sirrozu olan pasiyentlərdə konyuqasiya olunmuş UDXT-nun plazma zülalları ilə birləşməsi barədə heç bir məlumat yoxdur. Lakin ursodezoksixol turşusunun effektivliyi onun plazmada deyil, öddə olan konsentrasiyası ilə əlaqəli olduğundan, onun plazma səviyyələri klinik şəraitdə biomənimsənilməsini göstərmir. Onun paylanma həcmi təyin olunmamışdır, lakin dərmanın daha çox öd və nazik bağırsaqda paylandığı üçün kiçik olması gözlənilir. Ursodezoksixol turşusu 1-3 saatdan sonra öddə ən yüksək konsentrasiyaya çatır.
Metabolizmi
Ursodezoksixol turşusu absorbsiya olunduqdan sonra əgər qaraciyər sağlamdırsa, təxminən 70%-i ödlə xaric olunur. Bu qan dövranı sistemində qanın səviyyəsinin azalmasına səbəb olur. Qaraciyər xəstəliklərinin ağırlıq dərəcəsi artdıqca ursodezoksixol turşusunun ödlə xaricolma səviyyəsi azalır. Ursodezoksixol turşusu qaraciyərdə qlisin və ya taurinlə birləşdikdən sonra konyuqantlar şəklində ödlə xaric olunur. Ursodezoksixol turşusunun bu konyuqatları nazik bağırsaqda passiv və aktiv mexanizmlər hesabına sorulur. Konyuqatlar həmçinin, qalça bağırsaqda bağırsaq fermentlərinin iştirakı ilə dekonyuqasiya oluna bilər, bu isə əmələ gəlmiş sərbəst ursodezoksixol turşusunun reabsorbsiyasına və qaraciyərdə təkrar konyuqasiya olunmasına səbəb olur.
Absorbsiya olunmamış ursodezoksixol turşusu yoğun bağırsağa keçir və 7-dehidroksilləşmə prosesinə məruz qalaraq litoxol turşusuna çevirilir.
UDXT-nın müəyyən miqdarı 7-okso birləşməsi vasitəsilə henodiola (CDCA) keçir. Henodiol həmçinin litoxol turşusunun formalaşması ilə 7-dehidroksilləşməyə məruz qalır.
Bu metabolitlər çətinliklə həll olunur və nəcislə xaric olur.
Litoxol turşusunun kiçik bir hissəsi reabsorbsiya olunur, qlisin və ya taurin ilə qaraciyərdə konyuqasiya edilir və 3-cü vəziyyətdə sulfatlaşdırılır. Litoxol turşusunun sulfatlaşdırılmış konyuqatları nəcis və öd vasitəsi ilə çıxarılır. Xroniki olaraq litoxol turşusunun heyvanlara yeridilməsi sulfat konyuqatlar yarada bilməyən heyvanlarda xolestatik qaraciyər zədələnməsinə səbəb olur və qaraciyər çatışmazlığından ölümə səbəb ola bilər.
UDXT 7-dehidroksilləşmə prosesinə henodioldan daha ləng məruz qalır. UDXT və henodiol eyni dozada olanda öd turşularındakı litoxol turşusunun sabit vəziyyət səviyyələri UDXT qəbulu zamanı henodiol tətbiqindən daha aşağıdır.
İnsanlar və şimpanzelər litoxol turşusunu sulfatlaşdıra bilir. Baxmayaraq ki, qaraciyərin zədələnməsi ursodiol terapiyası ilə əlaqəli olmamışdır, bəzi insanlarda sulfatlaşdırma qabiliyyəti zəifləyə bilər.
Bir neçə min xəstənin iştirakı ilə keçirilən klinik tədqiqat göstərir ki, qaraciyərin çatışmazlıq halları çox nadir hallarda baş verə bilər.
Xaric olunması: Əsəsən bağırsaqlarla, az hissəsi isə (1%-dən az) böyrəklərlə xaric olur.

İstifadəsinə göstərişlər
Ursodezoksixol turşusu qaraciyərin xolestatik xəstəliklərində, həmçinin birincili biliar sirroz zamanı istifadə olunur. Qaraciyərin xolestatik xəstəlikləri öd ifrazı və öd axının azalması ilə xarakterizə olunur. Ursodezoksixol turşusu qəbul edən xəstələrdə öd axınını nəzarət altında saxlamaq lazımdır.

Əks göstərişlər

• Öd kisəsinin və ya ödçıxarıcı yolların kəskin iltihabi xəstəlikləri.
• Öd yolları tıxanıqlığı.
• Qaraciyərin sirrozu dekompensasiya mərhələsində.
• Ursodezoksixol turşusuna və ya preparatın tərkibindəki komponentlərdən hər hansı birinə qarşı yüksək həssaslıq olarsa.

Xüsusi göstərişlər və ehtiyat tədbirləri
ELUR həkim nəzarəti altında istifadə olunmalıdır.
İlk 3 ay müalicə müddətində və müalicə bitəndən sonra 6 ay ərzində hər 1 aydan bir, qaraciyər funksiyaları – AST (SGOT), ALT (SGPT) , γ-GT və bilirubin səviyyəsi yoxlanılmalıdır.
Ardıcıl monitorinq erkən mərhələdə qaraciyər funksiyasının mümkün pisləşməsini aşkar etməyə imkan yaradır. Bu parametrlərin zərdab səviyyələri adətən tez bir zamanda azalır. Zərdab qaraciyər testlərinin (məsələn, AST, ALT) yaxşılaşdırılması həmişə xəstəliyin vəziyyətinin yaxşılaşdırılması ilə əlaqələndirilmir. Son anamnezdə müalicəyə biokimyəvi cəhətdən adekvat reaksiya müşahidə olunan xəstələr üçün, qan zərdabında qaraciyər funksiyasının klinik göstəricilərinin əhəmiyyətli hesab olunan səviyyəyə qədər artdığı zaman UDXT-un qəbulunun dayandırılması barədə düşünmək lazımdır. Ursodezoksixol turşusu qəbul edən xəstələrdə öd axını nəzarət altında olmalıdır.
Kanserogenez və mutagenez
ELUR preparatının insanlar üçün nəzərdə tutulmuş müalicə müddəti və doza həddindən daha yüksək dozalar laboratoriyada heyvanlar üzərində tətbiq olunub və kanserogen, teratogen, mutagen nəticə alınmayıb.
Qaraciyər/öd/mədəaltı vəzi
Varikoz qanaxması, qaraciyər ensefalopatiyası, assit və ya təcili olaraq qaraciyər transplantasiyasına ehtiyacı olan xəstələr müvafiq spesifik müalicə almalıdırlar. UDXT qaraciyərdən kənar mənşəli qismən biliar obstruksiyası vəziyyətində ehtiyatla istifadə olunmalıdır.
Əhalinin xüsusi qrupları
Hamilə qadınlar: hamilə qadınlarda kifayət qədər və ya yaxşı nəzarət edilən tədqiqatlar aparılmamışdır.
Heyvanlar reproduktiv orqanlar üzərində aparılmış tədqiqatlar həmişə insanlarda özünü tam doğrultmadığına görə, ELUR preparatının hamilə və ya hamiləliyə hazırlaşan qadınlar tərəfindən qəbulu məsləhət görülmür.

Digər dərman vasitələri ilə qarşılıqlı təsiri
Öd turşularının sekvestrantları, ELUR preparatının absorbsiyasını azaldaraq, preparatın effektivliyinə təsir göstərə bilər. Alüminium əsaslı antasidlər in vitro öd turşularını adsorbsiya edir və sekvestrantlar kimi fəaliyyət göstərə bilər və bununla da ELUR preparatının effektivliyini azaldır.
Ursodiol CYP3A induktorudur, lakin onun klinik əhəmiyyəti məlum deyil. Sitoxrom P450 CYP3A tərəfindən metabolizə edilmiş birləşmələrlə metabolik qarşılıqlı təsirlər gözlənilir.

Cədvəl 5. Digər dərman vasitələri ilə qarşılıqlı təsiri.

	Effekt	Klinik şəhri
Öd turşularının sekvestrantları (məsələn, xolestiramin və ya xolestipol)	ELUR preparatının absorbsiyasını azaldır	ELUR preparatının effektivliyini azalda bilər
Alüminium əsaslı antasidlər	ELUR preparatının absorbsiyasını azaldır In vitro öd turşularını adsorbsiya edir	ELUR preparatının effektivliyini azalda bilər
CYP3A-nın substratları siklosporin, nitrendipin və dapson	Metabolik qarşılıqlı təsiri	CYP3A tərəfindən metabolizə edilmiş birləşmələrlə metabolik qarşılıqlı təsirlər gözlənilir.

Dərman-qida qarşılıqlı təsirlər
Qida ilə qarşılıqlı təsirlər məlum deyil.
Dərman və bitki mənşəli qarşılıqlı təsirlər
Bitki məhsulları ilə qarşılıqlı təsirlər məlum deyil.
Dərman və laboratoriya qarşılıqlı təsirlər
Laboratoriya testləri ilə qarşılıqlı təsirlər məlum deyil.

 

Hamiləlik və laktasiya dövründə istifadəsi
Hamilə qadınlarda kifayət qədər və ya yaxşı nəzarət edilən tədqiqatlar yoxdur. ELUR preparatı hamilə və ya hamilə olmağa hazırlaşan qadınlarda istifadə edilməmlidir.
Əgər qadın bu dərmanı hamiləlik dövründə istifadə edibsə və ya istifadə edən zamanı hamilə qalıbsa, pasiyentə döl üçün potensial təhlükə haqqında məlumat verilməlidir.
Laktasiya dövründə: ursodezoksixol turşusunun insan südünə ifraz olunması haqqında kifayət qədər məlumat yoxdur. Bir çox dərman vasitəsi ana südü ilə ifraz olunduğundan, ELUR preparatı laktasiya dövründə ehtiyatla istifadə olunmalıdır.
Pediatriya
Uşaqlarda ELUR preparatının istifadəsinin təhlükəsizliyi və effektivliyi müəyyənləşdirilməyib.
Heriatriya
ELUR preparatının yaşlı insanlarda istifadəsi barədə müvafiq tədqiqatlar aparılmamışdır.
Heriatriyanın elə bir spesifik problemləri yoxdur ki, yaşlı insanlarda ELUR preparatının qəbulunu və faydalılığını məhdudlaşdırsın.

İstifadə qaydası və dozası
Böyüklər
Birincili biliar sirroz zamanı ELUR preparatının tövsiyə olunmuş dozası gündə 13-15 mq/kq, qida ilə 2-4 bölünmüş doza qəbul olunur.
Tabletin qəbulu unudularsa, əlavə doza qəbul etməyin. Sadəcə, vaxtı gəldikdə adi qaydada növbəti dozanı qəbul edin. İkiqat doza qəbul etməyin.

Əlavə təsirləri
Dərmana mənfi reaksiyaların nəzərdən keçirilməsi
Klinik sınaqlarda müşahidə edilən əlavə təsirlər aşağıdakı cədvəldə ümumiləşdirilib və təsvir olunub: 180 pasiyentlərində birincili biliar sirrozu zamanı plasebo nəzarətli bir araştırmada ümumi əlavə təsirlər (>1%) leykopeniya, dəri səpgiləri, ishal, qanda kreatin və şəkərin səviyyəsinin artması, xora xəstəliyi müşahidə olunub.
60 xəstənin iştirak etdiyi ikinci sınaqda müalicə ilə bağlı arzuolunmaz hadisələr daha artıq olmuşdur (>5%).
Daha çox asteniya, dispepsiya, periferik ödem, hipertoniya, ürəkbulanma, mədə-bağırsaq traktının pozulması, sinə nahiyəsində ağrı və qaşınma baş verib.
İkinci tədqiqatda 4 ciddi arzuolunmaz hadisələr qeyd olunmuşdur: pasiyentlərdən 1-i şəkərli diabet xəstəsidir, 1-i süd vəzisinin düyünlü xəstəsidir və 2-i süd vəzisinin fibroz-kistoz xəstəliyi ilə. Bu arzuolunmaz hadisələrindən heç biri dərmanla əlaqəli olmamışdır.
Tövsiyə olunmuş dozada ELUR preparatı asanlıqla keçirilir və əhəmiyyətli yan təsirləri vermir.
Klinik tədqiqatlar əlavə dərman reaksiyaları
Klinik tədqiqatlar çox spesifik şərtlər altında aparıldığına görə, klinik sınaqlarda müşahidə olunan əlavə təsirlər praktikada müşahidə olunan əlavə təsirlərin tezliyini əks etdirə bilməz və başqa bir preparatın klinik sınaqlarının tezliyi ilə müqaisə olunmamalıdır.
Klinik tədqiqatlardan əldə olunan əlavə təsirlər haqqında məlumatlar dərmanla əlaqəli əlavə təsirlərin müəyyənləşdirilməsi və dərəcələrin yaxınlaşdırılması üçün faydalıdır.
Aşağıdakı Cədvəl 1-də göstərilən əlavə təsirlər 180 xəstənin (89 ELUR® müalicəsinə, 91-in plasebo müalicəsinə randomizə olunmuş) birincili biliar sirrozunda klinik sınaqlarda müşahidə olunmuşdur. Arzuolunmaz hadisələr tədqiqatdan keçirən preparatının aidiyyətindən asılı olmayaraq qeyd olunur.
ELUR® qruppunda 1% və ya daha yüksək baş verən əlavə təsirlər və plaseboda yüksək olan əlavə təsirlər Cədvəl 1-ə daxil edilmişdir.
12 aydan sonra baş verən ishal, trombositopeniya, ürəkbulanma, qızdırma və digər əlavə təsirlər cədvələ daxil edilmir, çünki plasebodan eyni dərəcədə və ya daha aşağı dərəcədə baş verib.

Cədvəl 1. Arzuolunmaz hadisələr (≥1%). 180 xəstələrində klinik tədqiqatda müşahidə edilmişdir.

Əlavə təsirlər, SOC MedDRA		12 aydan bir ziyarəti		24 aydan bir ziyarəti
		UDXT 1 n (%)	Plasebo n (%)	UDXT1 n (%)	Plasebo n (%)
Qan və limfatik sistemin pozulması	Leykopeniya	―	―	2 (2,63)	―
Mədə-bağırsaq traktının pozulmaları	İshal	―	―	1 (1,32)	―
	Xora xəstəliyi	―	―	1 (1,32)	―
Tədqiqat	Qanda kreatinin səviyyəsinin artması	―	―	1 (1,32)	―
	Qanda şəkərin səviyyəsinin artması	1 (1,18)	―	1 (1,32)	―
Dəri və dərialtı toxumaların xəstəliyi	Səpgi	―	―	2 (2,63)	―

Randomizə olunmuş tədqiqatda 60 BBS olan pasiyentlərdən 4 nəfər bir ciddi arzuolunmaz hadisə ilə (şəkərli diabet, süd vəzisinin düyünü və süd vəzisinin fibroz-kistoz xəstəliyi (2 nəfər)) rastlaşmışdır.
Tədqiqat zamanı heç bir ölüm hadisə baş verməmişdir. Qırx üç xəstə (43%/71,7) tədqiqat zamanı müalicə ilə bağlı ən azı bir mənfi hadisə yaşamışdır. Ən çox rast gələn (≥5%) asteniya (11,7%), dispepsiya (10%), periferik ödem (83%), hipertoniya (8,3%), ürəkbulanma (8,3%), mədə bağırsaq traktının pozulması (5%), sinə nahiyəsində ağrı (5%) və qaşınma (5%).
Bu doqquz AOH qarın ağrısı və asteniya (1 xəstə), ürəkbulanma (3 xəstə), dispepsiya (2 xəstə), anoreksiya və ezofagit (1 xəstəyə görə) daxil edilmişdir. BİD rejimini (1000 mq ümumi doza) qəbul edən bir xəstə ürəkbulanma səbəbiylə dərman qəbul etməkdən imtina etdi. Ezofagit istisna olmaqla, bütün bu doqquz AOH ümumi gündəlik 1000 mq və ya daha çox dozada BİD rejimində müşahidə edilmişdir.

Cədvəl 2. Yaranan arzuolunmaz hadisələrin müalicəsi ≥1% BBS ilə 60 xəstələrin klinik tədqiqatda müşahidə olunmuşdur.

	Əlavə təsiri SOC MedDRA	TEAEs, n (%)
Qan və limfatik sistem pozulmaları	Qanazlığı	1 (1,7)
	Limfadenopatiya	2 (3,3)
Ürək pozulmaları	Aritmiya	2 (3,3)
	Ürək-damar xəstəlikləri	2 (3,3)
Eşitmə orqanı funksiyasının pozğunluqları	Karlıq	1 (1,7)
	Başgicələnmə (vertiqo)	1 (1,7)
Görmə pozulmaları	Göz kataraktası	2 (3,3)
	Göz pozğunluqları	1 (1,7)
	Torlu qişa xəstəlikləri	1 (1,7)
Mədə-bağırsaq pozulmaları	Qarın nahiyəsində ağrı	2 (3,3)
	İshal	2 (3,3)
	Dispepsiya	6 (10)
	Disfagiya	1 (1,7)
	Esofagit	1 (1,7)
	Meteorizm (köp)	1 (1,7)
	Mədə-bağırsaq pozulmaları	3 (5,0)
	Ürəkbulanma	5 (8,3)
	Tüpürcək vəzilərinin sekresiyanın artması	1 (1,7)
	Mədə xorası	1 (1,7)
Ümumi pozulmalar və yeridilmə şərtləri	Asteniya	7 (11,7)
	Sinə nahiyəsində ağrı	3 (5,0)
	Substernal sinə ağrısı	1 (1,7)
	Kista	1 (1,7)
	Ödem	5 (8,3)
	Yayılmış ödem	1 (1,7)
	Periferik ödem	5 (8,3)
	Qranuloma	1 (1,7)
	Hemorragik xora	1 (1,7)
	Ağrı hissi	1 (1,7)
Öd və qaraciyər pozulmaları	Öd yollarında ağrı hissi	1 (1,7)
İmmun sisteminin pozulmaları	Amiloidoz	1 (1,7)
İnfeksiya və invaziyalar	Bronxit	1 (1,7)
	Sistit	1 (1,7)
	Sadə herpes	1 (1,7)
	İnfeksiya	1 (1,7)
	Orta qulağın otiti	1 (1,7)
	Faringit	1 (1,7)
	Sətəlcəm	1 (1,7)
	Rinit	2 (3,3)
	Sidik yolu infeksiyaları	1 (1,7)
	Vaginit	1 (1,7)
Maddələr mübadiləsi və qidalanmanın pozulması	Anoreksiya	1 (1,7)
	Şəkərli diabet	2 (3,3)
Dayaq-hərəkət aparatının və birləşdirici toxumasının pozulması	Bel ağrısı	1 (1,7)
	Sümük xəstəlikləri	1 (1,7)
	Spontan sümük sınıqları	1 (1,7)
Bəd, xoşxassəli və müəyyənləşdirilməmiş törəmələr (həmçinin kistalar və poliplər)	Süd vəzisinin törəmələri	1 (1,7)
	Ağciyər düyünü	1 (1,7)
	Ayaqaltı ziyillər	1 (1,7)
Sinir sisteminin pozulmaları	Başgicəllənmə	2 (3.3)
	Baş ağrısı	1 (1.7)
	Miqren	1 (1.7)
	Paresteziya	1 (1.7)
Süd vəzilərinin və reproduktiv sisteminin pozğunluqları	Süd vəzisinin düyünü	1 (1,7)
	Süd vəzisinin fibroz-kistoz xəstəliyi	2 (3,3)
	Menorragiya	1 (1,7)
Tənəffüs sistemi, döş qəfəsi və divararalığı orqanlarının pozğunluqları	Təngnəfəslik	1 (1,7)
	Ağciyər pozulmaları	1 (1,7)
	Tənəffüs pozulmaları	1 (1,7)
	Burun ağrısı	2 (3,3)
Dəri və dərialtı toxumaların xəstəliyi	Akne	2 (3,3)
	Miliariya	1(1,7)
	Qaşınma	3(5,0)
	Psoriaz	1 (1,7)
	Səpgi	1 (1,7)
	Dəri xəstəlikləri	2 (3,3)
	Dəri hipertrofiyası	1 (1,7)
Damar pozulmaları	Hipertenziya	5 (8,3)

Klinik tədqiqata az yayılmış əlavə dərman reaksiyaları (<1%)
180 pasient ilə aparılan tədqiqatında məlumatın təhlili (cədvəl 1) arzuolunmaz hadisələri (<1%) aşkar olunmayıb, müalicə alınan insanların qrupunda plasebo alınan insanların qrupuna nisbətən eyni və ya daha yüksək arzuolunmaz hadisələr istisna olmaqla.
60 pasiyentlərin tədqiqatında nümunə ölçüsü kiçik olduğuna görə (<1%) rast gələn TEAEs haqqında məlumat yoxdur (cədvəl 2).
Hematologiya və klinik kimyanın anomal nəticələri
180 pasiyentin iştirakı ilə plasebo-nəzarət edilən tədqiqatda ilkin səviyyə ilə müqayisədə hematoloji parametrlərin və qaraciyərdənkənar baş verən klinik kimyanın dəyişiklikləri təhlil edilmişdir.
Başlanğıc səviyyəsindən statistik əhəmiyyətli fərqlər 3 və 4 cədvələrdə təqdim olunub.

Cədvəl 3. Hematoloji göstəricilər: başlanğıc səviyyəsindən dəyişikliklər

		Başlanğıc səviyyə		Son nöqtə		Başlanğıc səviyyəsindən dəyişilməsi
		UDXT	Plasebo	UDXT	Plasebo	UDXT (±SD)	Plasebo (±SD)
WBC (leykositlər)	(±SD)	5,9 (2,0)	6,2 (4,1)	5,5 (1,6)	5,8 (2,4)	-0,5** (1,4)	-0,5 (4,3)
	n	88	87	83	75
Trombositlər	(±SD)	238,5 (92,5)	245,4 (112,4)	211,2 (87,2)	223,9 (94,3)	-29,4** (39,9)	-17,7* (58,0)
	n	86	86	82	74

*Statistik olaraq sıfırdan fərqlidir P<0,05
**Statistik olaraq sıfırdan fərqlidir P<0,01

UDXT ilə müalicə olunan qrupunda WBC və trombositlərin azalması (p<0,01) müşahidə olunub.
Başlanğıc səviyyəsinə müqayisə edərək və plasebo qrupundakı trombositlərin əhəmiyyəti (p<0,05) azalmışdır. Hemoqlobin səviyyəsində əhəmiyyətli dəyişiklik olmamışdır.

Cədvəl 4. Klinik kimya: başlanğıc səviyyə ilə müqayisə edilən dəyişiklik.

		Başlanğıc səviyyə		Son nöqtə		Başlanğıc səviyyəsindən dəyişilməsi
		UDXT	Plasebo	UDXT	Plasebo	UDXT (±SD)	Plasebo (±SD)
Kalsium (mq/dl)	(±SD)	9,49a (0,40)	9,47 (0,40)	9,39 (0,43)	9,30 (0,51)	-0,12**a (0,37)	-0,19** (0,37)
	n	89	91	83	76
Xolesterin (mq/dl)	(±SD)	287,73a (121,12)	276,03 (105,22)	223,53 (56,80)	261,46 (83,53)	-67,39**b (93,31)	-11,32* (47,70)
	n	89	91	83	76
Kreatinin (mq/dl)	(±SD)	0,86 (0,19)	0,84 (0,21)	0,92 (0,19)	0,92 (0,26)	0,07**a (0,18)	0,07** (0,23)
	n	89	91	83	76
Ümumi tiroksin (mkq/dl)	(±SD)	8,66a (1,63)	8,60 (2,27)	7,96 (1,87)	8,27 (3,25)	-0,69*a (1,52)	-0,49 (2,52)
	n	87	90	83	74
Triqliseridlər (mq/dl)	(±SD)	102,82a (49,25)	117,11 (70,57)	114,18 (55,13)	121,52 (57,56)	11,76*a (44,38)	3,00 (56,74)
	n	88	89	83	75

**Statistik olaraq sıfırdan ferqlidir P<0,01
*Statistik olaraq sıfırdan ferqlidir P<0,05
aP = ns, UDCA plasebo ilə müqayisədə
bP = 0,0001, UDCA plasebo ilə müqayisədə

Başlanğıc səviyyəsində bütün hepatik olmayan klinik kimyəvi göstəricilər UDXT və plasebo qəbul edən qruplar arasında əhəmiyyətli fərqlənməmişdir (р>0,05).
UDXT qəbul edən insanların qrupunda kalsium, xolesterin və ümumi tiroksin başlanğıc səviyyəsindən əhəmiyyətli dərəcədə (р>0,05) azalma, kreatinin və triqliseridlərin isə əhəmiyyətli dərəcədə artım (р>0,05) müşahidə edilmişdir. Plasebo qəbul edən insanların qrupunda xolesterinin əhəmiyyətli (р>0,05) azalması, kalsium və kreatinininin isə əhəmiyyətli artımı (р>0,05) müşahidə olunmuşdur. Natrium, kalium, fosfor, HDL və AMA üçün əhəmiyyətli dəyişiklik müşahidə olunmamışdır.

 

Doza həddinin aşılması
ELUR-un təsadüfi və ya qəsdən doza aşılması bildirilməmişdir. Doza həddinin aşılmasının nəticəsində ən ağır əlavə təsiri – ishal baş verə bilər, hansını simptomatik müalicə etmək lazımdır.
Heyvan araşdırmalarında kəskin toksiklik əlamətlərinə tüpürcək və qusma itlərdə, həmçinin dağ siçanlarda ataksiya, təngnəfəslik, ptoz, aqonal qıcolmalar və koma daxildir.
Dərmanın doza həddinin aşılmasından şübhələndikdə regional toksikoloji mərkəzinizə müraciət edin.

Buraxılış forması
10 tablet, blisterdə. 10 blister, içlik vərəqə ilə birlikdə karton qutuya qablaşdırılır.

Saxlanma şəraiti
25°C temperaturda, işıqdan qorunan, quru və uşaqların əli çatmayan yerdə saxlamaq lazımdır.

Yararlılıq müddəti
2 il
Yararlılıq müddəti qablaşdırıldığı qutunun üzərində göstərilmişdir.
Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçısı və Qeydiyyat vəsiqəsinin sahibi
Laboratorio Eczane Pharma S. A.
Laprida 43-Avelianeda-Argentina.